Имнег учреждениелернің майдағы ӱлӱкӱннерде тоғынҷаң толдыразынаң графигі
30.04.2022
Хабарлар
Табырах имнег полызии станциялары, стационарлар, травмпункттар алызығлар чох хараа – кӱнӧрте тоғынчалар.
Ағбандағы аймахтар аразындағы клиническай имнег таразының поликлиниказында (Чертыгашевтің ор., 51) дежурнай терапевт кӱннің сай 8.00 – 14.00 частарда 121 № кабинетте тоғынар. Че ол 1 паза 9 майда тоғынмас. Вакцинацияны 2, 3, 4, 7 паза 10 майда 107 № кабинетте 8.00 – 12.00 частарда иртібізерге чарир.
2 паза 8 майда дежурнай хирург 304 № кабинетте паза хирургия перевязочнайы 303 № кабинетте 8.00 – 14.00 частарда имнег полызиин пирерлер. Ибде перевязкалар 8.00 – 14.00 частарда иділер. Травмпункттың перевязка кабинеді ідӧк 8.00 – 14.00 частарда тоғынар.
«ОРВИ» диагнозтығ пациенттернең тоғыс апарылчатхан кабинетте (Чкаловтың ор., 24) имнег полызии, 1 паза 9 майдаң пасха, прай кӱннерде пиріл турар.
Пілерге кирек: имнег туразынзар чатырылчатхан пациенттердең анализке мазок кӱннің сай алылча (1 паза 9 майдаң пасха) пу адресче: Чкаловтың ор., 24, 8.00 – 12.00 частарда 5 № кабинетте (хада аларға имнег туразынзар имненерге чатырылчатханнаңар направлениені). Мазок анализі пазағы кӱнде тимде полча, аны пуох кабинетте алып аларға чарир.
Харатастағы аймахтар аразындағы имнег туразының поликлиниказы 4 – 6 майда олаңай режимде тоғынар. 2, 7 паза 9 майда ковид паза соона салдырбас имнег полызии бригадалары хығыртығҷа ибзер 8.00 – 14.00 частарда чӧрерлер. Андағ имнег полызии бригадаларын 8(39031) 2-38-77 телефонҷа хығыртарға чарир.
2 майда дежурнай имҷі (хирург, перевязка кабинеді) 8.00 – 14.00 частарда имнег полызиин пиріп тоғынар. 2 паза 7 майда – терапевт 8.00 – 14.00 частарда. 2 паза 9 майда – лаборатория істезіглері кабинеді (ковидке сыныхтирына ПЦР-тестке мазок алылча, имҷідең пирілген пічікче ле). 2 майда – иммунопрофилактика (вакцинация) кабинеді 8.00 – 12.00 частарда.
Саяногорсктағы аймахтар аразындағы имнег туразының поликлиниказы 4, 5 паза 6 майда олаңай режимҷе тоғынар. 2, 3, 7 паза 10 майда соона салдырбас имнег полызии пирілер, хығыртығлар 11.00 – 14.00 частарда алылар. 2, 7 паза 10 майда коронавируснаң ағырыбысхан улуғларнаң 8.00 – 16.00 частарда тоғыс апарылар. 3, 7 паза 10 майда вакцинация 8.00 – 11.00 частарда иртірілер. Процедуралар иртірҷең кабинет 2, 3, 7 паза 10 майда 8.00 – 11.00 частарда тоғынар. 2 паза 8 майда – лаборатория істезіглері кабинеді 8.00 – 12.00 частарда (ковидке сыныхтирына ПЦР-тестке мазок алылча, имҷідең пирілген пічікче ле).
Нымырттығ посёлоктағы поликлиникада 2 паза 8 майда – педиатр паза терапевт имҷілер 9.00 – 12.00 частарда.
Республиканың перинатальнай кінінде 2 паза 10 майда 8.00 – 12.00 частарда диспансердегі тойлығ ипчілернің паза гинекология ағырығларынаң имненчеткеннернің хазии сыныхталар, 1 паза 2 УЗИ скринингтері иртірілер паза психолог тоғынар (азынада пазын салған кізілернең). Прай анализтер 8.00 – 10.00 частарда алылар.
2, 4, 10 паза 12 майда 8.00 – 9.00 частарда ковидке сыныхтирына ПЦР-тестке мазок алылар. Андағ тоғыс перинатальнай кінзер имненерге чатырылчатханнарнаң апарылар. Акушер-гинекологияҷа табырах имнег полызии хараа-кӱнӧрте пирілер.
Ипчілернің ханнығ ниме пол килзе алай пірее ағырығнаң иреелен сыхса, 03 алай 112 телефоннарҷа табырах имнег полызиин хығыртарға кирек. Перинатальнай кіннің регистратуразының пірге телефоны: 202-888.
Республиканың стоматология поликлиниказында соона салдырбас имнег полызиин пирҷең пӧлік хараа-кӱнӧрте тоғынар (тура хабырғазындағы ізікче кірерге). 4, 5, паза 6 майда имнег учреждениезі штаттағы режимҷе тоғыс апарча. 7 майда 8.00 – 14.00 частарда олған, терапия паза хирургия стоматология пӧліктері имнег полызиин пирерлер.
Ағбандағы олған поликлиникалары дежурствоны алынҷа графикче тоғынып апарарлар. Андағ график имнег учреждениезінің «ВКонтакте» социальнай сетьтегі страницазында пирілче.
Чуртағҷыларға искіріглерні толдыразынаң піліп аларға чарир орындағы имнег организацияларының поликлиникаларында. Оларның телефоннары паза адрестері Хакасияның хазых хайраллаҷаң министерствозының сайтында пар. Ідӧк хоза искірігні піліп алар ӱчӱн, пірге контакт-кінзер 122 телефонҷа сығдырарға чарир.
Автор :
Хакасияның хазых Хайраллаҷаң министерствозы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде