Хакас флагы - Эверестте
20.05.2022
Хабарлар
Тилекейде иң пӧзiк тигей Эверест полча. Пу кӱннерде анда Хакасия флагы чалбыраан. Чаламаны тигейзер чир-суғҷыбыс Анна Шурышева ағылтыр. Алында хакас абахайы альпинисттер лагерьiнде хакас кӧгенектiг сомға суурыныбысхан.
Спортсмен ипчi Ағбаннаң, ол 15 артиинаң чыл Москвада чуртапча. Пылтыр Анна Николаевна Ленин тигейiнде пол килген, пӱӱл, тiзең, Эверестке читтi. Пiстiң республикада альпинизмнең улуғ нимес ӧме айғасча. Орындағы спортсменнер ӧӧнiнде Эльбруста пол килерге кӱстенчелер. 1996 чылда Эверестте Саяногорсктың чуртағҷызы Григорий Семиколенов пол килген. 26 чыл пазынаң олох чидiге Анна Шурышева читтi. Пу хабар прай социальнай сетьтерiнҷе тарап парыбысхан. Прайзы чир-суғҷыбыс ӱчӱн ӧрiнче паза поғдархапча. Анна амға теере Непалда. Москвазар айланза, ол «Хакас чирi» газетаа интервью пирер тiп молҷаан.
Автор :
Майя Кильчичакова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде