30 майға теере ӱн пирiс иртче
27.05.2022
Хабарлар
Киӌее Хакасия пазы Валентин Коновалов, социальнай сетьтерӌе кöнi эфирге сығып, чуртағӌыларның сурығларына нандырған. Кöнi эфирде iдöк "Городта истiг оңдайлар тöстирi" проектче ӱн пирiстеңер чоох парған.
- Пу уғаа тузалығ проект. Аны хоостыра кiзiлер объекттi таллапчалар, пiс аны иптепчебiс. Чахсы öмелiг тоғыс пол парча. Ол сквер, парк паза пасха даа ниме ползын.
Ӱс азыра чыл аразына проект тузазын кöзiт пирген. Че ööнi, кiзiлер постары пу кирекке теелчеткеннеңер пiлiп алғаннары.Чуртағӌылар таллапчалар паза таллағларының салтарларын кöрчелер. 2021 чылда 37 тура ибiркiзiн паза кöп чон чöрчеткен 53 орынны иптебiскебiс. Анзы пасталғаны ла. Пу проект муниципалитеттер тилiзiне хозым итче. Пiс хада аны чуртасха кирерге кирекпiс. Ӱлгӱнiң паза чонның öмелiг тоғызы иң пöзiк салтарлар пирче! Мындағ оңдай прай отрасльларда поларға кирек. Толдырылған тоғыстарны ööнiнде Хакасия чуртағӌылары кöрерге киректер. Пiстiң пис кöстеглернiң пiрсi - ол кiзiнiң оңдайларын пöзiк синге кöдiрерi!
Аннаңар чуртағӌыларзар айланарға сағынчам: 30 майда Хакасияда иптирге кöрiлген объекттер таллирынӌа ӱн пирiс тоозылча. Чуртағӌыларыбыстың 36 муңӌа кiзiзi кöп чон чöрчеткен хайдағ орыннар öңненерi ӱчӱн ӱнiн пирiбiскен. Пӱӱн полғаныбыс ла городыбыс, аалыбыс тилiзiне теел полар оңдайлығ. Аның ӱчӱн 19.gorodsreda.ru сайтсар кiрiңер паза хынчатхан орын ӱчӱн ӱннерiң пирiбiзiңер. Сiрернiң öткiн гражданскай кöрiзiңер киректелче!
Пiрiгiңер! Кӱзiбiс пiрiктiрiп, городта алай аалда чуртазыбысты истiг идiбiзер оңдайлығбыс, - айланған республика чуртағӌыларынзар Валентин Коновалов.
Автор :
Оксана Челтыгмашева
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде