Чиңіс пісти полар!
28.09.2022
Хабарлар
Митинг. Ағбанда 23 сентябрьда республика правительствозы алнындағы Пастағы май ачығында кӧп чон чыылыс парған
Пу митинг Донецк паза Луганск чон республикаларында, Запорожье паза Херсон областьтарында Россияа пірігердеңер референдумнар полчатханына чарыдылған. Киҷее ол референдум, пис кӱн полып, ирт парған. Хабарлар хоостыра пілдістіг полған, ол чирлердегі чон Россиянаң хада поларға кӧңнін искірче.
Ол кӱн Пастағы май ачығында муңар кізі чыылыс парған. Мында прай даа партияларның, халых организацияларының, учреждениелернің кізілері полғаннар.
Чыылысхан чонзар айланған Хакасия пазы Валентин Коновалов. Ол таныхтаан, пу референдум Донбасстағы, Херсондағы паза Запорожьедегі чоннарның кӧңнілерінҷе иртче. Олар сигіс чылҷа пос тілінең чоохтазарға право ӱчӱн кӱресчелер. Бандеровецтернің паза нацисттернің ӱлгӱлерінде чуртирға хынминчалар. Россия оларны арачылирына ізенчелер.
Илбек Ада чаа тузында хайди пістің чон пірге тудынған, амды піске ідӧк хада-пірге поларға кирек. Піс, пірге ползабыс, кидеркі азымахчы хазналардаң тоғыр тур поларбыс.
Амды мындағ сидік туста Россия президенті, Ӧӧркі главнокомандующай Владимир Владимирович Путин чардыхти мобилизация чарлабысхан. Хакасия правительствозы чардыхти мобилизацияа хабылған чааҷыларның сӧбірелеріне нинҷе кирек полызығ пирер. Піс армиябыснаң хада поларбыс.
Анаң, чооғын тоосчадып, Хакасия пазы хыйғы салған: «Чиңic пісти полар!»
Андағох сӧcтернең чонзар айланғаннар Хакасияның Ӧӧркі Чӧп кнезі Владимир Штыгашев, Россия Федерациязында сенатор Александр Жуков паза даа пасхазы.
Автор :
Илья Топоев
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде