"Россия" кӧзідігде – кӱн чахайағы
05.03.2024
Хабарлар
Чоннар аразындағы кӧзідігде Хакасияның кӧзідіг орнында кӱн чахайахтары часхыға удур турғызылғаннар. Кӱн чахайағы – пістің республиканың чарых паза сіліг тании. Пу чахайах Ағбан городтың гербінде хоосталғанох.
Сіліг чарылчатхан чахайах наукада "купальница азиатская", латин тілінең, тізең, "trollius asiaticus" адалча. Чондағы орыс аттары – «жарки» паза «огоньки». Кӱн чахайағы ӧңненчеткен орыннар кӧйчеткен ізіг отха пастырчатханға тӧӧйлер. Ол ачыхтарға толдыра чайылча, хыраңастарны сарығ-хызыл ӧңніг чахайахтарынаң пӱргебісче. Ол Хызыл киндее кирілген, аннаңар аны хайраллирға кирек!
Кізі сынынаң тиң чахайахтар амды пістің республиканың кӧзідіг орнын чазапчалар паза кӧрігҷілернің хайиин тартчалар.
«Россия» чоннар аразындағы кӧзідіг-форумның «Универмаг» пӧлиинде пістің идінҷектернің ниме-ноозы сығарылған. «Универмагта» хазна регионнарының кибірліг узанҷыхтарын даа, амғы ниме-нооларны даа таап аларға чарир.
Таныхтирға кирек, Владимир Путин правительстваа «Россия» кӧзідігні 8 июльға теере узарадарға чахаан. Кӧрігҷілернің Россия регионнарынаң, культуразынаң паза кибірлерінең танысчаң хоза тус пар.
Автор :
Наталья Сюптерекова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде