Ӧӧн сыйыхха – ӱс автомобиль
01.03.2024
Хабарлар
Чӧрім. Хакасияның садығ-промышленность палатазы «Хада таапчабыс!» чӧрім чарлапча
Россияда кӧрік айының 15-ҷі кӱнінде Тиксі тилекейдегі потребительлер правозы кӱні таныхталча. Пiстiң хазнада ол пастағызын на 30 чыл мының алнында алғым таныхтал сыххан. Потребительлернің ӧӧн праволары – искіріге, хорғыс чох поларына, чахсы сағынып таллирына паза сағыс-кӧрізін санға аларына.
– Пістің палата пӱдізінде – 130 предприятие паза идінҷек. Полғаны ла потребительлер правозын ӧӧн тӧстеге санапча. Пӱӱл танығлығ кӱннің пайрамы хазнабыстағы уғаа улуғ кирекке киліc парды – піс кӧрік айының 15, 16 паза 17 кӱннерінде Россия президентін табарбыс. Олох кӱннерде Ағбанда Хакасияның ӧӧн городынаңар закон проектінҷе паза чон чӧрчеткен пірге орыннарны иптирге таллирынҷа ӱн пирері иртер.
Піcке прайзыбысха Россия президентін тирең сағынып паза нандырығлығ табарға кирек. Піске Ағбан Хакасияның ӧӧн городы адына турызары кирек. Піске город прайзына истіг полары кирек.
Піc Тиксі тилекейдегі потребительлер правозы кӱніне чарыдылған «Хада таапчабыс!» сыйыхтар чӧрімін чарлапчабыс. Кӧрік айының 15, 16 паза 17 кӱннерінде ӱс ӱн пиріcче ӱнін пирген Ағбан город чуртағҷызы сыйыхтар чӧрімінің араласчызы полыбызар! – чарытча Хакасияның садығ-промышленность палатазының устағҷызы Владимир Сорокин.
Ағбанның идінҷектері кӧп сыйых тимнеп салғаннар: телевизорлар, холодильниктер, садха паза ӱӱҷікке техника, хыйға колонкалар, смартфоннар, сертификаттар. Ӧӧн сыйыхха ӱс автомобиль сығарылған, полған на табығ кӱніне – пірердең. Тиксі 200-че сыйых тимнелген. Кӧрік айының 16 паза 17 кӱннерінде «Ағбан24» телеканалның кӧні эфирінде часкалығ чуртағҷылар табылар.
Автор :
Наталья Сюптерекова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде