Хакасия пазының айланызы
13.03.2024
Хабарлар
Хакасияның аарлығ чуртағҷылары!
Алнында танығлығ тынағ кӱннері – Россия Федерациязы Президентіне табығлар. Ол кӱннер, хаҷан полғаныбыстың на ӱні пістің хынған хазнабыстың таңдағызын таллир.
Кидеркінің империалисттері США устаанынаң Россиядаң тоғыр килкім чаа апарчалар: чаалазығ орнында, экономикада паза искіріглер пастыра.
Постың ачын кирексіністері ӱчӱн олар чоннарны ыырластырарын узаратчалар, нацизм идеологиязын хатап тірілдіреріне кӱстерін айабинчалар. Прай ол ниме, тилекейде устағҷы полып халарлары ӱчӱн.
Че чоннар аразындағы хайызығлар системазында улуғ алызығлар парча. Чалғыс устаҷаң тус тоозыл парған, Кидеркі хазналары тилекейдегі политикада, хоныхтығ чуртастың отрасльларында ээзі чіли пол полбин сыхханнар.
Пӱӱн пістің хазнаның экономика паза технология саринаң суверениттіг полып алар, 1990 чыллардағы либеральнай реформалар сылтаанда чідірген прай нимені айланыдырар, пістің хынған Россияны хатап илбек хазнаа айланыдырар прай оңдайлары пар.
Аарлығ арғыстар! Хығырчам сірерні, 15,16 паза 17 мартта табығ участоктарынзар киліп, Ада чир-суубыстың таңдағызы, сірернің таңдағызы, сірернің палаларыңның таңдағызы ӱчӱн ӱн пирібізерге. Ол ӱн пиріс пістің хазнаның чағын чылларға ла нимес, алнындағы онарлап чылларға ӱлӱзін таллир.
Автор :
В. Коновалов, Хакас Республиканың Пазы – Хакас Республика Правительствозының Кнезі
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде