ІКІНҶІ ИНДЕКСАЦИЯ - НАА ОҢДАЙНАҢ
31.08.2016
Хабарлар
Пу кӱннерде Россия правительствозы пенсияларның 2016 чылдағы ікінҷі индексациязын идердеңер чарадығ алыбысхан. Индексация пip хати пирілчеткен тӧлег оңдайынаң иртірілер: 2017 чылның январьында пенсионерлер пизер муң салковай аларлар.
ІКІНҶІ ИНДЕКСАЦИЯ - НАА ОҢДАЙНАҢ
Россияның Хазна Думазының істенісче, социальнай политикаҷа паза ветераннар киректерінҷе комитедінің устағҷызы Ольга Баталинаның искіриинең, пір хати пирілчеткен 5 муң салковайлығ тӧлег пенсионерлернің алнында пар полған обязательстволарны толдыразынаң чабызар. Россия чуртағҷыларына 2016 чылда пенсия индексациязын ікі хати идердеңер чыл пасталчатхандох молҷаан полғаннар. Ӱлгӱлер ол молҷағны пір хати пирілчеткен тӧлег оңдайынаң толдырчалар.
- Пу сурығҷа мин кӧрізім алыстырбинчам - кізілерге сынны чоохтирға кирек. Толдыр полбас нимені молҷабасха, че молҷаан нимені толдырарға, кӧмес пасха даа оңдайнаң полза. Аннаңар пӱӱн піс мындағ чарадығ алчабыс, - искірген Россияның правительство кнезі Дмитрий Медведев.
Ол молҷағны толдырарға кирек, экономикада кризис полза даа, тіп таныхтаан Дмитрий Медведев. Премьер чазырбаан, 2015 паза 2016 чылларда паалар ӧскені Россия чуртағҷыларының чуртазына теелген. Пенсияа ла чуртапчатхан улуғ частығ улусха, тізең, улам хатығ чухча.
Хакасияҷа ОПФР-ның искіриинең, тӧлег прай пенсионерлерге иділер. Пістің республикада оларның саны 153 муңҷа кізі. 2016 чылның февральында пенсия индексациязы тоғынминчатхан на пенсионерлерге иділген полған, амды Россия правительствозы пip хати пирілчеткен тӧлегні прай пенсионерлерге, ол санда тоғынчатханнарға, идерге чаратхан. Паалар тың ӧскен сылтаанда чуртас сині тӱсчеткені прай пенсионерлерге теелче нооза,
Таныхтирға кирек, пенсия индексациязын 2016 чылда пip хати пирілчеткен тӧлег оңдайынаң иртірерге Россия правительствозы экономикадағы сидік киректі паза федеральнай бюджеттің оой нимес оңдайларын санға алып чаратхан. Инфляция хоостыра пенсия индексациязын иртіреріне правительство 2017 чылда айланарға пӧгінче.
Автор :
Альберт ТОЛМАШОВ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде