АМЫР ЧУРТАС ӰЧӰН ЧӰГӰРІС
08.09.2016
Хабарлар
Ирткен неделяда чӱгӱріснең айғасчатхан кинек кізі Герберт Торточаков «Терроризмнең тоғыр» наа чорых пастабысхан. Ол пис кӱн ирткен. Ідӧк пу чорыхты ол позы Москвазар чӱгӱргеннең 15 чылына чарытча. Пу чорыхта ағаа писательлер пірігізі паза «Алтынай» ипчілер пірігізі полысчалар.
Герберт Торточаковты пістің республикада ла нимес, ідӧк пасха даа чирлерде таныпчалар. Олған тузында аар палығладып, ол кинек пол парған. Че, позын кинекке санабин, спортнаң айғас сыххан, ӧӧнінде чӱгӱр чӧрче. Іди Герберт чӱгӱр сыхханнаң 25 чыл ирт парды.
Нинҷе-де чыл мының алнында Герберт, чӱгӱріп, прай Хакасияны ибір парыбысхан. Соонаң ол Москвазар чол тудыбысхан. Ағбаннаң Москвазар 90 кӱнге чидіп алған.
Хайди чоохтаан Хакасиядағы писательлер пірігізінің кнезі Альбина Курбижекова, Герберт Торто-
чаков Москвазар чӱгӱргенде, ағаа писательлер пірігізіндегі хоос лите-ратуразының пропаганда бюро-зының директоры Юрий Забелин полысхан. Герберт, полған на аал-зар читсе, Юрий Николаевичнең палғалысчаң. Герберт чолын Уйбат чазызындағы пурунғыларыбыстың пічіктері пазылған тастаң пастаан. Ол тасты учёнайлар 295 чыл мының алнында ілезіне сығарғаннар. Пу пайрамны таныхтап, Герберт пӱӱлгі чорығын пастаан.
Хакас писательлер пірігізі андағ пик сындырлығ, позы азахха турып алған хакас оолның адын кӧдірче. Пу чорых соонаң писательлер пірігізі, Улуғлар чӧбінзер айланып, Герберт Торточаковха «Род поғ-дархазы» паза «За благие дела» орденнернең таныхтирдаңар айла-нарға пӧгінче.
- Кізінің кӧңнін кӧдірерге кирек, - тіпче Альбина Васильевна.
Герберт позының пик сынды-рынаң прай чонға, чииттерге дее, улуғларға даа, кинектерге дее кӧзідім полча.
Пӱӱлгі чорыхха писательлер пірігізі Хакасияның национальнай политика министерствозының гранттар мариинда араласхан. Іди писательлер пірігізі 120 муң сал-
ковай утып алған, ам ол ахчадаң 40 муң салковай чорыхты иртіреріне пирілген.
Пастағы кӱнде Герберттің соон-ҷа табырах имнег полызии маши-назы чӧрген. Соондағы кӱннерде Герберт Торточаковты nip ле имҷі сыныхтаан.
28 августта Ағбаннаң сығып, Герберт, Тазоба станцияны, Ороси-тельнай поселокты, Хапчал аалны иртібізіп, 5 сентябрьда Уйбат чазы-зынзар читкен. Іди Хакасияның саблығ оолғы чорығын тоосхан.
Автор :
Антон ЧЕРТЫКОВ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде