ТОҢАСТЫҒЛАР СЫҒЫЗЫ ИЛБЕК
30.09.2016
Хабарлар
МОСКВА. Кремльде Россия президенті Владимир Путин аал хонии ас-тамаа экспортына паза банк киреене чарыдылған ікі тоғазығ иртірген.
Ол тоғазығда аал хонии министрі Александр Ткачёв пӱӱл хазнада тоңастығлар уғаа чахсы сыхханнаңар искірген.
- Халғанҷы 25 чыл аразына мындағ чахсы урожай пастағызын на алдыбыс. 80 на процент чирдең 110-115 миллион тонна тоңастығлар алылған, - теен Россияның аал хонии министрі.
Ол ідӧк таныхтаан, наа технологиялар, хазна хабазии паза аал хонии тоғынҷылары чахсы тоғыныбысхан сылтаанда мындағ салтарларға читкебіс. Тоңастығлар чахсы сыхханда, экспорт сині ӧс парар. Президент иң пастап хазна чуртағҷыларының кирексіністерін санға аларға чахаан.
Ткачёвтың чооғынаң, пӱӱл пис ай аразына сосха иді экспорты ӱс хати ӧс парған.
Автор :
Известия
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде