ИМНЕНІП АЛАР ОНДАЙ ПАР
30.09.2016
Хабарлар
Хакас Республикадағы М.Я.Корнееваның адынаң ӧкпе ағырииның клиника диспансерінде пӧзік категориялығ имҷі-фтизиатр полып Зинаида Семёновна Карамашева тоғынча. Имнег киреенде ол 42 чыл істен парир, пу клиникада, тізең, 31 чыл тоғын салған.
Улуғ пілістіг имҷінің холында пу чыллар аразына ӧкпе ағыриина хаптырған илееде кізі имненген. Пӱӱнгі кӱнге ӧкпе ағыриинаң ағырчатханнарның саны пістің республикада ӱс хати тӱс парғанын таныхтапча Зинаида Семёновна.
- 2002 чылнаң тиңнестірзе, амғы тусха пу ағырығ ӱс хати тӱс парған, - чоохтапча З.С.Карамашева. - Ол тустағы саннарны алза, ағырыбысхан 2500 кізі ілезіне сығысчаң, амды 800-че кізі имненче.
Хайдағ даа кізі ӧкпе ағыриин чухтырып алар оңдайлығ. Кохтың палочказы полған на кізіде полча. Ағырыбысханнарның 85%-і пастағы туста ағырчатханын пip дее сизінминче. Иді ізібинче, чахсы азыранча, тоғынча... Андағларның ағыриин ілезіне сығарғанҷа, ол 10 азыра кізее чухтыр саларға айабас.
Ӧкпее флюорография иртсе, рентген пастыра ағырығ ілезіне сығысча. Пӱӱнгі кӱнде терапевт имҷізер айланғаннарны, имнег туразынзар кір парған кізілерні имҷілер хайди даа флюорография иртерге ысчалар. Диспансеризация тузында чон сыныхтағ иртче.
Окпе ағыриин ідіс-хамыс пастыра 1 % ле кізі чухтырып алар, 99 %-і кии паза тыныс пастыра тарапча. Кізі пір минута аразына 60 литр кии тынча. Кӧзідімге алза, автобуста парчатхан кізі 10 минута аразына тиксі автобусха тын салар.
Кохтың палочказы кізі істінде ӧліг микроб чіли чуртапча. Ағырыбысхан кізі майыхча, сырайы чазығ кӧрінче, аның пір дее ниме идері килбинче. Идінің ізии сыбыра 37° С полча, хараазын тирлепче, тӱреп сыхча. Ӧкпе ағырии улғаадыбысса, кізі чиділче, пірееде тынарға аар полча, кӧксі ағырча.
Ағырыбысхан кізіні чарым чыл им-непчебіс. Имнер пістің хаҷан даа пар. Имҷілернің чооғын истіп, кирек про-цедураларны иртірбин иртчеткеннер чазылып алчалар. Хазна айда nip кізіні и мни pi не 60 муң салковай хоратча. Ирткен чылдаң диспансерге наа кӱстіг имнер пиріл сыххан. Имнег ӱзілбин апа-рыларға кирек паза ӧкпе ағыриинаң
тоғыр аймах-пасха им тузаланылча. Имнердең пасха физиотерапия, тыныс гимнастиказын иртчелер, ит-ханның хазиин пиктепчеткен препараттарнаң тузалан чалар.
Ӧкпе ағырии - ол социальнай ағырығ. Чонның чуртас оңдайы хайдағ синде полчатханынаң палғалыстығ. Иреннер ипчілернің хыринда ӱс хати кӧп ағыр-чалар. Ӧӧнінде 20 - 40 частығлар ара-зында ол удаа тоғасча.
Уйан чуртапчатхан, хомай азыран-чатхан, ачығ суғ ісчеткен, соохха хаптырт салған кізілернің ӧкпелері чуға поладыр. Чайғыда суғ хазында иртеннең иирге теере кӱнге сістенерге хынчатханнар пар. Азых кӧксіліг кӱн сузы алтында ӱр поларға чарабас.
Пик иммунитет тӧлдең тӧлге пиріліп одырча. Кӱстіг ит-ханнығ кізіде микроб, ӱр чуртабин, ӧл парча. Аннаңар чахсы азыранарға, витаминнерге пай ас-тамах чиирге киректелче. Ідӧк гигиенаа туды-нарға кирек ле.
Хонҷых регионнарнаң тиңнестірзе, Хакасияда ӧкпе ағыриинаң ағырчат-ханнарның саны асхынах, Новоси-бирсктең килген комиссия, ӧкпе ағыриин сыныхтап, республиканың аймахтарынҷа чӧртір. Олар ағырығ кізілер тузында им ісчеткенін паза сыбыра имҷілер хайиинда полчатханын таныхтааннар.
Автор :
Пазып алған Елена САГАТАЕВА
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде