ХАКАСИЯНЫҢ УФАС-ына - 25 ЧЫЛ
25.10.2016
Хабарлар
Республика устағӌызы Виктор Зимин Россияның монополиялардаң тоғыр федеральнай службазының Хакас устааның тоғынҷыларын ӱлӱкӱннең алғыстаан. Хакасияның УФАС-ына 25 чыл толчатханына чарыдылған пайрамнығ чыылығ 21 октябрьда республиканың правительство туразында ирткен.
Хакасияның пазы Виктор Зимин, республикадағы УФАС-тың тоғынҷыларын 25 чыл толчатханынаң алғыстап, оларның тоғызы уғаа кирексіністіг полчатханын паза республикаа улуғ туза ағылчатханын таныхтаан. Пӱӱнгі кӱнде Хакасияның УФАС тоғынҷылары конкуренциядаңар, рекламадаңар законнар сайбалчатханынаң тоғыр кӱресчелер, ас-тамах паза бензин пааларын, аймах тарифтерні сыныхтағда тутчалар. Ідӧк хазна чахығлары орта толдырылары оларныңох хайиинда. Прай пу тоғыс сылтаанда республика бюджеді чӱзерлеп миллион салковай ӱзӱрлеп алча.
Хакасияның пазы пістің УФАС 2014 чылда Россияның ӱс иң чахсы монополиялардаң тоғыр федеральнай служба устаа санына кіргенін таныхтаан. Анзы Хакасияның УФАС-ы тӱзімніг тоғынчатханын киречілепче.
Пайрамнығ чыылығда регион устағҷызы Виктор Зимин Хакасияның УФАС тоғынӌыларын сыйыхтаан. Хакас Республиканың Аарластығ пічиине Хакас УФАС-ының устағӌызы Ксения Лебедева турысхан. Ідӧк алынӌа тоғынӌыларға Хакасия правительствозының алғыстас пічіктері читірілген.
Автор :
Альберт ТОЛМАШОВ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде