НОВОСИБИРСК ОБЛАЗЫНЫҢ ГУБЕРНАТОРЫ - ПІСТІҢ ИМНЕГ ОБЪЕКТТЕРӀНДЕ
25.10.2016
Хабарлар
Пу кӱннерде Новосибирск облазының губернаторы Владимир Городецкий Хакасияның пӱдірілчеткен перинатальнай кінінде, региондағы чӱрек-тамырлар кінінде паза Г.Я.Ремишевскаяның адынаң республиканың ӧӧн имнег туразының наа корпузында полды. Хакасиязар ол Россия президентінің СФО-дағы полномочиеліг кізізінең тоғыс хоостыра тоғазарға килген.
Новосибирск облазының губернаторы пурнада пӱдіріл париған перинатальнай кінде полған. Анда істіндегі тоғыстар парча, тастын керамогранитнең чаапчалар паза хыриндағы чирні иптепчелер.
- Минің хайиимны перинатальнай кін тартча. Пістің регионда перинатальнай кінні читіре пӱдірерінҷе сурығ турча. Хомзынысха, піске пӱдірігні ӱр нимес тусха тохтадарға киліскен. Аны піс регион бюджедіне пӱдірчебіс нооза, -ӱлескен кӧңні-сағызынаң Владимир Городецкий. - Сірернің чахсы кін, ол амғы тустағы кирексіністерҷе пӱдірілген. Кӧрерге дее чапсых. Республикада мындағ кін пары ӧріндірче.
Хакасия пазы Виктор Зиминнің кӱстенізінең Хакасия перинатальнай кіннер пӱдірерінҷе федеральнай программаа кіріп алған. 2012 чылда регион пазы, Россия президентi Владимир Путиннең ӧнетін тоғазып, ағаа пістің республикада мындағ кін хайди даа киректелчеткенін чарыт пирген.
Владимир Городецкий ідӧк пылтыр азылған региондағы чӱрек-тамырлар кінінің тоғызын паалаан. Андар кірчелер: реанимация, эндоваскулярнай хирургия, реабиының губернаторы ринатальнай кінде литация паза нейрохирургия пӧліктері. Амды Хакасияның чуртағӌылары пӧзік имнег полызиин, пасха регионнарзар парбин, республикадох алчалар.
- Орындағы имҷілер Новосибирсктегі Мешалкиннің адынаң клиниканың паза федеральнай нейрохирургия кінінің имҷілерінең, палғалыс тудып, опытнаң алысчатханы ӧріністіг, - таныхтаан Новосибирск облазының губернаторы.
Автор :
Хакасияның хазых хайраллаӌаң министерствозы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде