ИНДІРКІ ПАЗАДА АСФАЛЬТ ТӦЗЕЛЧЕ
26.10.2016
Хабарлар
АСХЫС АЙМААҢДАҒЫ ИНДІРКІ ПАЗА AAЛ ЧУРТАҒӋЫЛАРЫ УЛУҒ ӦРІНІСТЕ. ИНДІРКІ ПАЗАДА ЧОЛҒА АСФАЛЬТ ТӦЗЕП ПАСТАБЫСТЫЛАР.
ЧАРЫС АЙЫНЫҢ 18 КӰНІ. ААЛНЫҢ ӦӦН ОРАМАЗЫНДА ГРЕЙДЕР, ЧӦРІП, ОЙМАХ-СОҒЫЛЛАРНЫ ТӰЗЕДІБІСТІР. ПАЗА ААЛЗАР КІРЧЕТСӦК, ЧОЛҒА САЙ УРЫЛ ПАРТЫР. ПУ САЙНЫ ТӦӦ ПАЗЫНАҢ АҒЫЛЧАЛАР.
МЫНА КИЛКІМ САМОСВАЛЛАР ЧИДЕ САЛДЫЛАР, «СКАНИЯ» МАРКАЛЫҒ. ОЛАР 20 АЗЫРА ТОННА САЙ ТААРЛАНЫП АЛЧАТТЫРЛАР. ПАСТАП ӰС МАШИНА КИЛГЕН, АНАҢ ПАЗОХ ӰЗІ ЧИДЕ САЛҒАН. САХ АНДОХ ГРЕЙДЕР САЙЛЫҒ ӰӰНӋЕКТЕРНІ ТӰЗЕТ ПАРЧА.
ОРАМАНЫҢ УЗУНЫ 1650 МЕТРГЕ ЧАҒЫН, АНДА АСФАЛЬТ ТӦЗЕӋЕҢ ОДЫРЛАР. ТЕХНОЛОГИЯ ХООСТЫРА ПУ УРҒАН САЙНЫ СООНАҢ ААР КАТОКТАР ТИПСИРЛЕР, НЫХТИ ПАЗАРЛАР. АНАҢ АСФАЛЬТ ТӦЗЕЕН СООНАҢ ПАЗОХ КАТОКТАР ЧӦРЕРЛЕР. ИНДІРКІ ПАЗАДА АСФАЛЬТ ТӦЗЕЛЧЕ.
Аал пазы Светлана Майнагашеваның чооғынаң, Паза аалларында асфальт тӧзирінеңер чоох хаӌаннаң парча. 2012 чылда аал пазы республика ӱлгӱлерінзер айлантыр. Анаң андартын пічік килтір, Пазазар чол хомайын пілчебіс тіп. 25 км чолға асфальт тӧзебізерге 300 миллион салковай кирек. Республикаа, тізең, чыл сай чолларны тыхтирға 700 - 900 миллион салковай киректелче. Пу ахчаның 2/3 чардығы пӱдір салған чолларны пip синде тударға парыбысча.
Республикада Индіркі Паза осхас 70-ҷа аалға асфальттығ чол тӧзеп саларға кирек. Аннаңар 2016-2017 чылларда аалларда асфальт тӧзир тоғыстар парар.
Орамалар тоғыр ӱӱӌіктерге суғ кирҷең канаваларның трубалары салылых полтыр. Амды ол трубалар тунғлап партырлар. Орама ӱстӱндегі чурттар ирткен часхыда суға кіртірлер. Светлана Васильевна чол тоғынҷыларынзар айлантыр, ол трубаларны, арығлап, иптеп саларға. Ідӧк скоростьты пір син тудар танығлар турғызылҷаң одыр. Андағ танығлар чох полза, комиссия ол чолны тузаланысха албас.
Автор :
Михаил ИДИМЕШЕВ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде