ЧАРЫТХАА - НАА ПААЛАР
28.10.2016
Хабарлар
Хакасияда 2016 чылның ікінӌі чарым чылында киловатт-час паазы газ тартылған тураларда 1 салковай 92 ахчаа тиңнелче, электроплиталығ тураларда паза аалларда - 1 салковай 34 ахчаа. Таныхтирға кирек, Хакасияда чарытхаа паалар ӧскірері пасха Сибирь регионнарынаң кӧӧлҷе апарылча. Іди хонӌых регионнарда чарытхы паазы ӱс салковайға чит парир алай аза халған.
Тӧлег сині 2017 чылның 1 июльында алыс парар. Чарытхы сетьтері тӧреміл нааӌылалча. Тиксі хорадығларны санға алза, чарытхы паазы нинҷе-де он процентке ӧзерге кирек. Че Хакасия пазы Виктор Зиминнің таниинаң, паалар кинетін ӧспеске кирек. Ол чарадығ толдырылча: республикада паалар 7,5 %-тең пӧзік кӧдірілбинче. Андағ оңдайнаң, 2017 чылның 1 июльынаң чарытхы паазы чуртағӌыларға 2 салковай 6 ахчаны аспасха кирек, че ол азынада сананыстар, тіпче тарифтерҷе паза энергетикаӌа хазна комитедінің кнезі Марина Пономаренко.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде