ПІДИӦК ТОҒЫНЗАБЫС, АБАЗАНЫҢ ЭКОНОМИКА КИРЕЕ ОНДАЙЛАН СЫҒАР
13.12.2016
Хабарлар
Хакасияның пазы Виктор Зимин республика правительствозының экономика блогынаң тоғасхан: Олег Намнаң паза Татьяна Паульнаң. Тоғазығда ідӧк Абазадағы рудниктің директоры Александр Жуков араласхан. Чоох парған предприятиедегі киректердеңер паза республика правительствозы федеральнай синде апарчатхан тоғыстың пӱӱнгі салтарларынаңар.
Регион устағӌызына «ЕВРАЗ» компанияның устағ-пастаанаң Абазадағы рудникке инвестиция займын пирерінӌе пірге тоғыс узарадылчатханынаңар искіргеннер. Амғы туста ікі чӱс метр тиреңзер кіреріне киректелчеткен оборудованиенің толдыра комплектін лизингке алар оңдай ӱзӱрілче.
«ЕВРАЗ» компания ідӧк, тимір руда рыногында кирек оңдайланчатханын санға алып, руданы садысчаң пааны 300 салковайға ӧскірібізерге чарадығ алған. 1 декабрьға руданың паазы 1 тонна ӱчӱн 1200 салковай пол парған. Александр Жуков пӱӱнгі кӱнде
Абазадағы рудник план хоостыра тоғынчатханын таныхтаан. Тоғысчыларның кӧңні кӧдірілген паза иң ӧӧні - оларның предприятие тиліп тоғынарына ізеніс тӧреен.
Анзы аарлыға турча, теен Виктор Зимин. Прай иділген паза иділер тоғыстың пір кӧстег - моногородтағы ӧӧн предприятиені тоғыс чох артыспасха.
- Алғыс толдырылған тоғыс ӱчӱн, - хосхан регион устағҷызы. - Піске ам даа федеральнай синде кӧрістерібісті арачылирға килізер, Абаза городха чуртас-экономикаӌа алнында тиліпчеткен орын статузын пирері хоостыра. Рудникке теелзе, ол хайди даа чуртир. Піс пастағызынаң сығара анзында ікінӌілебеебіс, итсе, кӧбізі піске киртінмеен. Піс мыннаң мындар підиӧк тіспен тоғынзабыс, Абазаның экономика кирее оңдайлан сығар. «ЕВРАЗ» компанияның устағ-пастаана, оой нимес туста хабасчатханнары ӱчӱн, минің адымнаң алғыс сӧстерін читірчеткен телеграмма ызыбызарға сурынчам.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде