САЛБЫХ КӰРГЕНІ САБЛАНЧА
14.12.2016
Хабарлар
Декабрьда Хакасияның культура министерствозының халыхтар чӧбі тигір алтындағы азых музейлер тоғызынӌа чыылығ иртірген. Анда культура министрі Светлана Окольникова, орынӌызы Ирина Браим, ааллардағы культура устаныстарының устағҷылары паза музейлер директорлары араласханнар.
Чыылығда чыл салтарлары иділген паза килчеткен чылға пӧгіннер искірілген. Ідӧк ағырсымнығ сурығлар ӱзӱрілген. Ӧӧнінде хумартхы чирлерні хайраллирынаңар, палаларны транспортнаң тарт чӧрері хатығлалчатханынаңар, тоғынҷылар чидіспинчеткенінеңер чоох парған. Ағырсымнығ сурығларның пірсі - хысхызын туристтер чӧрізі тохтадылчатханы.
Ідӧк чахсы киректерні сағысха киргеннер. «Сибер Ил» чоннар аразындағы культура паза туризм форумы иртірілгенде, Россияның культура министрі Владимир Мединский Салбых кӱргені музейзер чӧрген. Уғаа танығлығ орын тіп таныхтаан ол. 11 ай аразына пу музейзер 30377 кізі чӧр килген. Владимир Мединский «Салбых чазызының пурунғы кӱргеннері» музей комплексін тилідер проектті чуртасха кирердеңер искірген.
Автор :
Хакасияның культура министерствозы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде