КӦРІЛГЕН ТОҒЫСТАР ХАЙДИ ДАА ТОЛДЫРЫЛАР
16.12.2016
Хабарлар
Хакасияның пазы Виктор Зимин паза Сибирьнің МРСК ПАО устағҷызы Виталий Иванов республика правительствозы паза Сибирьнің МРСК ПАО хада-пірге тоғынардаңар чӧптезігде хол салғаннар.
"Хакасияның промышленность кӱзін 2030 чылға теере тилідері" инвестиция проекті хоостыра предприятиелер тилізі паза наа предприятиелер азылары кӧрілчеткенде, чарытхынаң тузаланыс пілдірте ӧс парар. Аннаңар энергетика компаниязының кізілері паалар политиказын алыстырарға тимделер.
Виталий Ивановтың чооғынаң, чарытхы сайбағлар чох пирілер ӱчӱн, компанияның пӧлии "Хакасэнергоны" ӱрег чох тоғындырарға кирек. Анзын, тізең, республика ӱлгӱлері хабазиинаң толдырарға чарир.
- Позыбыс саринаң піс 2017-2018 чылларда корiлген прай инвестиция паза тыхтағ программалары чуртасха кирілер тіп ізендірчебіс. Чӧптезігде чарытхы паазына кирілген полған на салковай Хакасияда ла тузаланарына ізендірчебіс, - теен Виталий Иванов.
Хакасия пазы Виктор Зимин регионда чарытхы паазын иң ниик паалар санында тударынҷа тоғысты апарча. Энергетиктер, тізең, ідӧк инфраструктураны нааӌылирға тимделер.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде