ХУБАЧАРДАҒЫЛАРҒА - НАА ШКОЛА
21.12.2016
Хабарлар
Пу кӱннерде Алтай аймааның Хубачар аалындағы ортымах школаның наа корпузы азылар.
Пӱӱнгі кӱнге мында пӱдіріг тоғыстары тоозылча, амды ӱгредіг кабинеттерінде наа оборудование турғызылча. Ідӧк школаның ибіркізін чахсыландырчалар. Пу турада профессиональнай училище полған. Амды, тиксі тыхтағ тоғызы иртірілген соонаң, мында Хубачардағы ӱгренҷілерге хоза 250 орын тимнелген. Наа корпуста 9-11 класстардағылар ӱгренерлер.
Тыхтағ тоғыстарына федеральной паза республика бюджеттерінең 18 млн. азыра салковай позыдылған. Ӱгредіг учреждениезінде поллар, кӧзенектер алыстырылған, стенелер иптелген, спортзал тыхталған. Ідӧк школаа амғы тусха килістіре оборудование алылған.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде