«ХАКАСИЯНЫҢ ЧАРЫХ ОРАМАЛАРЫ» ПРОЕКТ ЧУРТАСХА КИРІЛЕР
21.12.2016
Хабарлар
Республиканың Ӧӧркі Чӧп кнезінің пастағы орынӌызы Юрий Шпигальских «Единая Россия» партияның «Хакасияның чарых орамалары» проектін чуртасха кирерінӌе тоғысчы ӧменің чыылиин иртірген. Чыылығда министерстволарның кізілері, чарытхы пирчеткен пірігістернің устағҷылары паза партияның региондағы толдырығ комитедінің устағӌызы араласханнар.
«Хакасияның чарых орамалары» проекттің ӧӧн кӧстее республикадағы аал-городтарның орамаларын чарых ит салары ла нимес, ідӧк чарытхы ӱчӱн тӧлеге парчатхан бюджет ахчазынаң тузаланарын тӱзімніг идері.
- Таныхтирға сағынчам, пазағы чылға бюджетті алар алнындох пу проектті чуртасха киреріне 10 миллион салковай позыдарынаң Хакасияның пазы чарасхан, - искіріп пастаан чыылығны Ӧӧркі Чӧп кнезінің пастағы орынӌызы, «Хакасияның чарых орамалары» проекттің координаторы Юрий Шпигальских. - Пістің тоғысчы ӧменің пӧгіні - ахчаны муниципальнай пӱдістерге позытчаң правилоларны тимнеп салары.
2017 чылға республика бюджедінде чарытхы ӱзӱрлирінҷе мероприятиелерге 195 миллион салковай кӧріл парған, ахча республиканың 6 министерствозы пастыра ӱлестірілер.
- Пістің комитет пастыра муниципальнай пӱдістерге 28,9 миллион салковай кӧріл парған, -искірген тарифтерҷе паза энергетикаӌа хазна комитедінің кнезі, проекттің устағӌызы Марина Пономаренко. - Тасхархы чарытхаа пір чарым миллион салковай хорадылары кӧрілче.
Депутаттарның пастаа хоостыра бюджеттең хоза позыдылған 10 миллион салковайны санға алып, ол ахча чарытхы сетьтерін чахсыландырарына, хараағы чарытхынаң тӱзімніг тузаланӌаң шкафтар (ШУНО) турғызарына парар.
Алынӌа хайығ кічіг ааллардағы тасхархы чарытхынаң сидіксініске салылған.
- Пӱӱл экономика министерствозы кічіг паза ыраххы аалларда тасхархы чарытхы идеріне 1 миллион артиинаң салковай позытхан, - таныхтаан экономика министрі Татьяна Пауль. - Килер чылға аймах кӧстеглерҷе, ол санда тасхархы чарытхаа, 40 миллион салковай кӧріл парған. Ахча айланыстар хоостыра позыдылча, аннаңар мында кӧп ниме аал пастары тоғызынаң палғалыстығ.
Чыылығның салтарларынҷа «Хакасияның чарых орамалары» проектче позыдылған ахча сині республикадағы аал-городтарның тасхархы чарытхы суриин толдыразынаң пӧгібізерге читпес тіп таныхталған. Олох туста, проектті чуртасха киргені тӱзімніг салтарлар пирзе, ағаа ахча позыдылары ӧс парарға айабас тіп таныхтааннар чыылығ араласчылары.
- Ӧӧні - піс орыннаң тибіреп пастабыстыбыс, ӱр чыллар пӧгілбин турған сидіксіністі пӧгеріне пастағы хаалағлар ит сыххабыс, - таныхтаан Юрий Шпигальских.
Автор :
Хакасияның Ӧӧркі Чӧбінің хабарлар пӧлии
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде