ДЕПУТАТТАРНЫҢ НАА ПЛАН...
23.12.2016
Хабарлар
Хакасияның Ӧӧркі Чӧбінің президиумы 21 декабрьда теестегі чыылиин иртіріп, онға чағын сурығ ӱзӱрібіскен. Ӧӧн сурығларның санында парламенттің законнар сығарҷаң тоғызының 2017 чылға планын чарадыға алары полған.
Чыылығны Ӧӧркі Чӧптің кнезі Владимир Штыгашев апарған. Ӧӧркі Чӧптің законнар сығарӌаң тоғызының 2017 чылға планын ӱзӱрер алнында парламент президиумы пӱӱлгі чылның планынзар алызығлар кирген. План хоостыра пір ниме кӧрілче, сынында саңай пасха пол парча нооза, Іди депутаттар 2016 чылда 42 закон проектін, тимнеп, алыбызарға пӧгінгеннер. Че хайди таныхтаан конституционней законодательствоӌа комитеттің кнезі Светлана Могилина, чыл тоозыларына Ӧӧркі Чӧп 132 закон проектінҷе тоғыс апарча, оларның 114-і алыл парған. Килер чылның планы ідӧк тың алыс парар, че кӧзідімніг планны аларға кирек ле.
- Анзы Ӧӧркі Чӧптің комитеттерінің паза комиссияларының тоғызын иптирге полысча, - чарытхан Светлана Могилина.
Ӧӧркі Чӧптің 2017 чылдағы планынзар 43 закон проекті кирілген. Депутаттар оларның 35-ін пастағы чарым чылда кӧрібізерге пӧгінчелер, 8 закон проектін - ікінҷі чарым чылда. 20 закон проектін тимнирінӌе пастағҷы Хакасияның пазы полар тіп кӧрілче, 21 закон проектінҷе - Ӧӧркі Чӧп депутаттары. Ідӧк Хакасияның Табығ комиссиязы паза Алтай аймааның депутаттар чӧбі пірер закон проектін тимнир пастағнаң сыхтырлар.
Автор :
Альберт ТОЛМАШОВ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде