МЫЛТЫХ ӰЛӰКӰНІН ХОРҒЫС ЧОХ ИРТІРЕРГЕ
18.01.2017
Хабарлар
Хакасия пазы Виктор Зиминнің чахиинҷа сағыбаан саайларҷа комиссияның чыылии ирткен. Аның тоғызын Хакасия пазының орынҷызы Владимир Крафт апарған.
Чыылығда Наа чыл паза Кӧлееде ӱлӱкӱннері тузында апарылған тоғыс салтарлары ӱзӱрілген, ідӧк специалисттер 18-19 январьда Мылтых ӱлӱкӱніне тимненіс хайди парчатханнаңар искіргеннер. Республикада суға кірер паза суғ алар 17 орын азылар, анда арачылағҷылар, имҷілер, ӧрт ӱзірҷеңнер паза полиция дежурство апарарлар. Хакасияның ӱлгӱлері чуртағҷыларзар паза аалҷыларзар суғда паза пуста сизіктіг поларға айланчалар. Суғзар ӧнетін тимнелген тилтілерге ле кірерге чарир. Ачығ суғ ізерге, транспортнаң пуссар сығарға чарадылбинча.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде