ЭКОЛОГИЯ СУРИИНА ХАЙЫҒ САЛЫЛАРҒА КИРЕК
18.01.2017
Хабарлар
Хакасияның пазы Виктор Зимин Аршаннардағы разрезтің толдырығ директоры Евгений Юриннең тоғасхан.
Предприятие устағӌызының чооғынаң, пылтыр разрезте хара тас 24 миллион тонна анылған. Олох туста предприятиеде экологияа хорғыс чох полар ӱчӱн хай пірее мероприятиелер иртірілген. Кӧзідімге, ікінӌі теестегі арығлаӌаң пӱдіріглер тимге сығарылғаннар, амды оларның тоғызын сынапчалар. Хакасия пазының чахиин толдырып, ағызылчатхан суғларны хоза арығлаҷаң модуль пӱдірілген. Ирткен чылда предприятиеде nip дее саай полбаан.
Пӱӱл ӧӧн хайығ экология суриина паза чол тилізіне салылар.
Хайди таныхтаан Хакасия пазы Виктор Зимин, промышленностьтың тилізінде экологияны арачылиры ӧӧн сурығларның пірсі поларға кирек.
- Промышленностьтың тилізі экологияа хорғыс чох полар сурығнаң пик палғалысча. Сірер 2016 чылда экология чардығында улуғ тоғыс ит салғазар. Анзы уғаа кирек ниме, че пу ла чидіглерде тохтирға чарабас. Улам на орындағы чуртағӌыларға чахсы хайығ салыларға кирек. Разрезтің тоғызы орындағы чонға чахсы ла саринаң теелбинче, аннаңар предприятие социальнай сурығларны пӧгерінде хабазарға кирек, - теен Виктор Зимин.
Ідӧк тоғазығда Виктор Зимин паза Евгений Юрин чол-транспорт тилізін ӱзӱргеннер. Хайди таныхтаан регион пазы, разрезте тоғынарға тузаланңаң чоллар тилізінің алғым планы киректелче, анаң аны хоостыра хазна хабазиин аларға айланар оңдай полар.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде