КЕМНІҢ УЗЫ АЗАР НИ?
24.01.2017
Хабарлар
Пӱӱн Тӧӧ пазындағы спорткомплексте саналығ чӱгӱрерінҷе Россия Кубогының III чардығының регионнар аразындағы марии пасталча. Устарын сынирға Сибирьдегі паза Ыраххы Востоктағы федеральнай округтарның спортсменнері чыылыстылар.
Россия Кубогының финалына сығып алар марығда 150 араласчы. Олар пістің чирзер 10 аймах регионнаң килгеннер.
Марығ араласчыларына постарының устарын кӧзідерге мында прай оңдайлар пар. Спортсменнер «Кедр» гостиницада чуртапчалар, маңат азыранчалар. Спорткомплекстің тоғынӌыларына прайзы алғыстарын читірче, чахсы тимненіс ӱчӱн махтапча.
Саналығ чӱгӱрӌеңнернің марии 29 январьда тоозылар.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде