25 январьда - Россия студенттерінің кӱні
25.01.2017
Хабарлар
Хакас Республиканың Правительствозы паза Ӧӧркі Чӧбі республиканың прай студенттерін паза ӱгренчеткен чииттерні Россия студенттерінің кӱнінең алғыстапчалар!
Пӱӱн алчатхан пілістерің сірернің соондағы чуртас пӧгіннерін толдырарға уғаа туза полар. Сірер хынчатхан профессияа ӱгреніп, анаң тоғын сыхсаңар, анзы уғаа тузімніг полар. Аннаңар сірерні, постарыңның таланттарыңны чуртаста тузаланып, кӧрілген пӧгіннеріңні толдыр турарға, турыстыра пілістер аларға прай кӧңнібіснең алғапчабыс. Піс школаларға паза паба-іӌелерге нимес, позыбысха ӱгренчебіс нооза.
Хакасияда чииттерге ӱгренерге, чайаачыларын чуртасха кирерге полыс пирерге кӧп ниме иділче. Таланттығ чииттерні сыйыхтарнаң таныхтапчабыс. Маңат ӱгренчеткен студенттерге хоза правительство стипендиязы пирілче. Чиит имӌілерге паза ӱгретчілерге полызығлығ программалар тоғынча, чиит сӧбірелерге паза специалисттерге чир участоктары пирілче, идінӌектерге гранттар паза субсидиялар пар, «Чииттернің ырахха кӧрілген пастағларының паза проекттерінің кіні» тоғынча. Сірернің полғаныңар ла чуртаста турыстығ орын таап алзын паза чииттер республикада хал турзыннар тіп сағынчабыс. Хакасияның маңат чуртиры сірернең палғалыстығ нооза.
Сірерні хазых чуртирға, ӱгредігде тӱзімніг паза сағынған сағыстарың толзын тіп алғапчабыс!
Автор :
В.М.ЗИМИН, Хакасияның пазы -Хакасияның Правительство кнезі; В.Н.ШТЫГАШЕВ, Хакасияның Ӧӧркі Чӧп кнезі;
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде