ХАКАСИЯ ПАЗЫ ДНЕВНИКТЕРДЕ ХОЛ САЛАР
28.04.2017
Хабарлар
Хакасияның ӱгредіг паза наука министерствозы «Комсомольская правда» газетанаң хада регионның ӱгренҷілеріне «Республика пазының дневнигі» акция иртірче.
Анда «пистерге» ле ӱгренчеткен олғаннарға аралазарға чарир. 1 - 11 класстар ӱгренҷілері аразынаң 11 чиңісчі табылар. Чиңісчілернің дневниктерінде Хакасия пазы Виктор Зимин хол салар паза оларның сурығларына нандырар. Акцияда аралазарға сағынчатхан олғаннарға kp.ru сайтта алай «ВКонтакте» социальнай сетьте «Комсомольская правда Красноярск» ӧмеде «Наши мероприятия» пӧлікте паалағларны санға алҷаң ӧнетін бланкты таап аларға кирек (ол ідӧк «Комсомольская правда» газетаның 19 апрельдегі сығарызында пар). Анда класс устағҷызына январьдаң 5 майға теере журналда турғызылған «пистерні» турғыстырарға. Бланкта директор хол саларға паза печать турғызарға кирек. Анаң аны 14 майға теере «Комсомольская правда» газетаның редакция адрезіне ызарға: 660022, Хызылчар г., Никитин ор., 3 “Б”. Алай gubdnevnik@mail.ru электроннай почта адрезіне ызарға.
Пастағы класстағы ӱгренҷілер аразында чайаачы марығ иртер. Олғаннарға чир-чайаанны хайди хайраллирға киректелчеткеннеңер чоохтығ, хоостығ, сомнығ алай сарыннығ видеоны олох электроннай почта адрезіне 30 апрельге теере ызарға кирек.
Сурығларнаң айланарға чарир акцияның кураторы Татьяна Ароновазар 8(391) 206-96-16, 8-962-067-60-94 телефоннарҷа.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде