ӰЛГӰ ПАЗА ХАЛЫХ ЧОН ПАЛҒАЛЫЗЫН ТЫЫДАРЫ
20.10.2017
Хабарлар
Хакас Республиканың Халыхтар палатазы 26 октябрьда коммерческай нимес пірігістернің паза гражданскай активисттернің 9-ҷы форумын иртірер. «Халыхтар пастағлары халых чонны тилітчең оңдай чіли» адалчатхан форум Хакасияның национальнай паза территориальнай политика министерствозының хабазиинаң иртер.
Форум Хакасияның Халыхтар палатазының кибірліг мероприятиезі полча, аның ӧӧн кӧстеглері - ӱлгӱнің паза халых чонның палғалызын тыыдары, тӱзімніг идері, гражданскай пастағларға хабазары, республикадағы ағырсымнығ сурығларны пӧгер ӱчӱн, гражданскай халых институттары аразында азых чоохтазығ апарарына оңдайлар тӧстирі.
Форумның программазынҷа коммерческай нимес пірігістернің паза ӧткін чуртағҷыларның республиканың социальнай сурығларын пӧгерінде тузазын ӱзӱрҷең пис площадка тоғынар.
НКО форумы Ағбанда Хакас техническай институтта 26 октябрьда 12.00 часта иртер. Хоза искіріглерні НКО форумын иртірчеткеннердең 8(3902) 22-07-76 телефонҷа піліп аларға чарир.
Автор :
Иван ТИННИКОВ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде