ВЛАДИМИР ШТЫГАШЕВКЕ ОРДЕН ЧИТІРІЛГЕН
31.10.2017
Хабарлар
Россия президентінің чахиинҷа Хакасияның Ӧӧркі Чӧп кнезі Владимир Штыгашевке сыйыхты президенттің Сибирьдегі федеральнай округтағы полномочиеліг кізізі Сергей Меняйло читірген.
Владимир Николаевича IV степеньніг «За заслуги перед Отечеством» орденнең сыйыхтирдаңар указта хазна устағҷызы 17 августта 2017 чылда хол салған. Владимир Штыгашев хазна сыйиина Россияның хазна пӱдізін тыытчатханы паза ӱр чыллар тіспен істенчеткені ӱчӱн турысхан.
Мындағ сыйыхха алынҷа чидіглерге читкен не кізiлер турысчалар, хайзылары Россияның хазна пӱдізін тыыдарына, хазнаның чуртас-экономиказын, наука-істезігліг тоғызын, культуразын паза искусствозын тилідеріне, чоннар аразындағы амыр чуртасты паза ынархасты тыыдарына, хазнаның арачыланызын пик идеріне пілдірте хозым иткеннер паза спортта пӧзік чидіглерге читкеннер.
Таныхтирға кирек, Владимир Штыгашев Почёт орденінең, «Знак Почёта» орденнең, Ынархас орденінең, «За заслуги перед Хакасией» орденнең, Россия Федерациязы президентінің Аарластығ пічиинең, Россияның Хазна Думазының Аарластығ пічиинең, он аймах-пасха медальнаң паза Хакасияның Ӧӧркі Чӧбінің Аарластығ пічиинең сыйыхтатхан.
Автор :
Хакасияның Ӧӧркі Чӧбінің хабарлар пӧлии
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде