ХАЛЫХ ПІРІГІСТЕРІНЕ - АХЧАЛЫҒ ХАБАЗЫҒ
28.11.2017
Хабарлар
Коммерческай нимес пірігістерге президенттің гранттарына ікінҷі марииның салтарлары чарлалған. Марығда Хакасиядаң 33 пірігіс араласхан, оларның 11 НКО марығ чиңісчізі полыбысхан. Тиксі 2017 чылда Хакасиядағы 14 коммерческай нимес пірігіс республикада чонға кирек проекттерні чуртасха киреріне 19,2 миллион салковай тартып алған: пастағы турда - 2,95 миллион салковай, ікінҷі турда - 16,25 миллион салковай.
Хакасияның коммерческай нимес пірігістері пу марығда 2013 чылдаң араласчалар, че пастағызын на пу син кӧп араласчы чиңісчі полыбысхан. Кӧзідімге, 2016 чылда чиңісчі полыбысхан ӱс пірігіс, хайзыларына 3,9 миллион салковай пирілген.
Халых пірігістерінің проекттері чон чуртазын паза экономиканы тилідері не чахсы теелчелер. Оларның хайиин тартчалар аймах- пасха сурығлар, аннаңар проектке пирілген грант ахчазының сині дее пасхалалча.
«Ағбанның палалары» чуртастың сидік оңдайларына кір парған олғаннарға полызығ фонды марыға «Чиит тустың алғым оңдайлары» проектнең сыххан. Проект чазы читкелектерні, хынығ кирекнең айғастырып, тызы чохтанмасха ӱгредеріне, чиит сайбағҷыларның реабилитациязына кӧстелген. Аны чуртасха киреріне 423 муң 512 салковай грант пирілген.
Саяногорсктағы «Десантник» чаа спорт-техника клубы» халых пірігізінің «Алынҷа тузалығ каникуллар» проектке 1 миллион 752 муң 500 салковай алған. «Оплот» халых пірігізінің региондағы пӧлиине «ИнваТех-ИМ» проектті чуртасха киреріне ікі милли он азыра салковай пирілген. Халых пірігізі кинек чииттерні хыйға тоғыстарға тартарға полызар. «Тиксі Россиядағы кинектер пірігізі» халых пірігізінің «Алчатхан кізі - айаларын толдырча, пирчеткен кізі - чӱреен толдырча» проекті ӱс миллион азыра салковай утып алған.
Автор :
Хакасияның национальнай паза территориальнай политика министерствозы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде