ВЯЧЕСЛАВ САГАЛАКОВТЫҢ - ХОЛА МЕДАЛЬ
29.11.2017
Хабарлар
Омскта грек-рим кӱрезінҷе Россияның саблығ тренері Ю.А.Крикуханың хумартхызына чарыдылған марығ полған. Аңда хазнабыстың 60 субъектінең 414 кӱресчі араласхан. Постарының устарын сынирға 16-17 частығ саарбахтар чыылысханнар.
Юрий Крикуха грек-рим кӱрезінҷе СССР-ның спорт узы, Россияның ікі хати чемпионы, Омсктағы физкультура институдының профессоры полған. Хынчатхан спорт кӧрімін тилідеріне улуғ хозым иткен тренернің хумартхызына чарыдылған турнирні чиит кӱресчілер аразында ирткен Россия первенствозына тиңнепчелер.
Андағ марығда Хакасияның саарбахтары устарын сынааннарох. Чир-суғҷыбыс Вячеслав Сагалаков, 47 кг кӧдірімде харбазып, хола медаль утып алған.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде