ЧАЛ АХЧАЗЫ - ИҢ ПАСТАП
29.11.2017
Хабарлар
Бюджет учреждениелерінің тоғынҷыларына чал ахчазын иң пастап пирердеңер алызығларны федеральнай законнарзар кирерінҷе чарадығны россия Правительствозы хазна президентінің хабазиинаң пу наада алыбысхан.
Кӧбізі регионнарда бюджет учреждениелерінің счёттар тоғызы тохтадылғаннаңар, тоғынҷыларға чал ахчазы тузында тӧлелбинібіскен. Кирек, тізең, бюджет организациялары Пенсия фондынзар тӧлеглерҷе, налогтарҷа паза пасха хайди даа кӧрілген тӧлеглерҷе, ідӧк чарытхы паза коммунальнай полызығлар ӱчӱн тузында санаспинчатханнаңар сығыс килген. Чал ахчазына кӧрілген ахча счётсар кірзе дее, тоғынҷылар аны ал полбаҷаңнар. Чарғы чарадии алылза ла, кізілер тоғынып алған ахчаларын алҷаңнар, че ол хоза тус паза артых хайыныстар.
Тоғынчатхан законнарзар кирілген алызығлар хоостыра, бюджет организациязының счёт тоғызы тохтадылған даа полза, чал ахчазы иң пастап тӧлел турар. Кӧрілген федеральнай законны Хазна Думазы ӱзӱрібіскен, Федерация Чӧбі чарадыбысхан. Закон Россия президентіне хол саларға пиріл парған.
- Уғаа кирек хазна чарадии алыл парды. Улуғ алғызым читірчем Россия президентіне, Правительствозына, Хазна Думазының паза Федерация Чӧбінің кізілеріне пу пастағ ӱчӱн паза сурығны табырах чарадыбысхан ӱчӱн. Пу сидіксініс кӧбізі регионнарға паза муниципальнай пӱдістерге таныс.
Республикада даа удаа чал ахчазына пирілген кӧстегліг ахча, тоғызы тохтадылған счетсар кіріп, бюджет учреждениезінің пасха тӧлеглері чабылғанҷа «турыбысчаң». Пу сурығ пӧгіл парғаны уғаа чахсы, амды бюджет учреждениелерінің тоғынҷылары чал ахчазын тузында ал турарлар, - чарытхан Хакасия пазы Виктор Зимин.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде