ЮНАРМЕЕЦТЕРГЕ - ӰГРЕДІГ
05.06.2018
Хабарлар
Хакасияның юнармеецтері Россияның арачыланыс министерствозының тренировкалар иртірҷең базазында ӱгредіг иртерлер.
Аннаңар Хакасияның пазы Виктор Зиминге искірген республиканың чииттер киректерінӌе хазна комитедінің кнезі Татьяна Борисова. Аның чооғынаң, пӱӱл 60 юнармеец тӧрт кӱн Центральнай чаа округының Ергакиде орныхчатхан чаа-спорт базазында ӱгредіг иртер.
Амды «Юнармия» пірігісте Хакасияның 600 ӱгренӌізі саналча. Оларның аразында таллағ марығлары иртірілер, иң артыхтары ла Ергакизер парар. Ӱгредіг 28 июльдаң 1 августха теере иртер.
- Пістің олғаннарға ол чахсы опыт полар. Ӧнетін площадкада андағ ӱгредіглер тӧреміл иртіріл турарына ізенербіс, - теен Виктор Зимин.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде