ПОСХА ТОҒЫС ТААП ІСТЕНЕРГЕ
16.08.2017
Хабарлар
Пӱӱл 6 августтаң сығара 26.07.2017 чылда алылған 199-ФЗ № Федеральнай закон тоғынып пастапча. Аннаң Россия Федерациязының гражданскай кодексінің 2-ҷі паза 23-ҷі статьяларының пастағы чардыхтарынзар алызығлар кирілче.
Аны хоостыра идінҷек поларға сағынчатхан чуртағҷыларның, санға алылбин, пос киреенең айғазар правозы пар.
2017 чылдаң сығара постары тоғыс таап істенчеткен чуртағҷыларға 2 чылға налог каникуллары пирілче. Пу право ӱс категорияа ла теелче: улуғ частығларны алай кинектерні кӧрҷең кізілерге; кізі палазынаң одырчатхан кізілерге, репетиторларға, ибде ниме-нооларны ахчаа итчеткеннерге. Пу физическай лицолардаң пирілчеткен полызығларны закон хоостыра ілезіне сығарар пастағы хаалағ полча. Эксперттернің таниинаң, амғы туста пос киреенең айғазарға чарадылчатхан пічии чох 15 - 22 миллион кізі тоғынча.
Мындағ хаалағның чахсы сарилары:
- чуртағҷаа айғасчатхан тоғызы хоостыра идінҷек полчатхан статус пирілче;
- идінҷекке кредиттер алар оңдай пар;
- идінҷекке реклама пирерге, чӧптезіглер идерге, позының праволарын чарғы пастыра арачылирға чарадылча;
- тоғыс стажы санға алылча, анзы соонаң, пасха тоғысха кірчетсе, кирек полар;
- налогтар тӧлеені пенсия чыынарға оңдай пирче;
- кічіг бизнеске полызығ пирчеткен программаларда аралазарға чарир: «налог каникулларында», гранттар системазында.
Юстиция министерствозы экономика тилізі министерствозының, істеніс министерствозының паза финанстар министерствозының полызиинаң тоғыс табарынаңар законға алызығлар тимнеп салған. Законда постары тоғыс таап істенчеткеннерні идінҷектердең, істеніс чӧптезии хоостыра тоғынчатханнардаң пасхалир оңдайлар кӧріл парғаннар.
Законопроектте постары тоғыс таап істенчеткеннерні пасхалир мындағ оңдайлар кӧріл парған: физическай лицо парыс алар пӧгіннең пасха кізілерге полызығлар пирче; идінҷек чіли санға алылбаан; чаллаан тоғынҷылары чоғыл.
Ідӧк позы тоғыс таап істенчеткен чуртағҷы 16 частаң улуғ поларға паза налоговай органзар хайдағ тоғыснаң айғасчатханнаңар искірерге кирек.
Автор :
Хакасияның істеніс паза чонға тоғыс тапчаң министерствозы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 31 | 1 | 2 | 3 | 4 |
Кӱн таңмазы
Хакасияда
Россияда
Тилекейде