ЧОЛЛАР НААҶЫЛАЛЧА
20.09.2017
Хабарлар
Чол чӧрізін хорғыс чох идерінҷе хазна контракттарын толдырары хоостыра республикада автомобиль чолларын нааҷылир паза тыхтир тоғыстар апарылча.
Шира аймаанда «Ширадағы ДРСУ» чол предприятиезі Шира - Тойым чолның 1-ғы километрінең 3-ҷі километріне теере кизегінде тоғыстарны тоос салған. Амды чолҷылар Шира - Хара кӧл - Тоғыр чул - Коммунар чолның 9-ҷы километрінең 10-ҷы километріне теере кизегін тыхтап пастабысханнар. Ідӧк Хара кӧл - Сеектіг, Шира - Новосёлово - Сарығ хас чоллар грейдернең иптелче. Шира - Хара кӧл - Тоғыр чул - Коммунар чолларда, асфальтты ходырып, оймах-осхылларны чох идер тоғыстар апарылған. Паза Ачинск - Ужур -Шира - Троицкай, Наа аал - Сеектіг - Чабак чолларда чолдағы танығларны сырлир тоғыстар толдырылған.
Таштып аймаанда Таштып - Чоғархы Сир, Таштып - Чоғархы Сии - Мадыр чолларда «Таштыптағы ДРСУ» грейдер полызиинаң тоғыстар толдырған. Оймах-осхылларны чох идер тоғыстар Ағбан - Ах тобырах чолларда апарылған.
Пии аймаанда Хызыл Катамор аалзар кірер, Хубачар - Аршаннар - Пии чолларда «НБС-Сибирь» ООО подрядчик тыхтағ тоғыстарын, сӧп-сапты чыыр паза чол танығларын тыхтир тоғыстарны толдырыбысхан.
Боград аймаанда амғы туста Сарығ хас - Базандаиха чолның 3 - 4 километрінде чол ӱстӱ нааҷылалча. Асфальттағы оймах-осхылларны чох идер тоғыстар Знаменка - Харасуғ, Ачинск - Ужур - Шира - Троицкай чолларда парча. Аннаң пасха чол танығларын алыстырар тоғыстар иділче.
Орджоникидзе аймаанда Наа аал - Сеектіг - Чабак паза Копьев - Сыралығ Ӱӱс чолларның сайлығ ӱстӱн иптир тоғыстарны «Орджоникидзедегі ДРСУ» толдырған. Ідӧк Ачинск - Ужур - Шира - Троицкай чолда чол танығлары нааҷылалған.
Автор :
Елена ТИМОФЕЕВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 31 | 1 | 2 | 3 | 4 |
Кӱн таңмазы
Хакасияда
Россияда
Тилекейде