КОРОНАВИРУСЧА - «ІЗІГ ЛИНИЯ»
24.03.2020
Хабарлар
Хакасия правительствозы коронавирус чуғынҷах ағырыға теелчеткен сурығларҷа пірге телефон «ізіг линиязын» азыбысхан. Аның номері: 8-800200-93-87.
Пу телефонға коронавирус тарапчатханы хоостыра сығысчатхан хайдағ даа сурығларҷа хараа-кӱнӧрте сығдырадарға чарир. Хакасияда ідӧк хырығ озаринаң килген чуртағҷыларға республиканың хазых хайраллаҷаң министерствозының «ізіг линиязы» тоғынча: 8(3902)305-811. Паза Роспотребнадзорның чӧптер пирҷең кінінзер сығдырадарға чарир: 800-555-49-43.
Таныхтирға кирек, Хакасияда 13 марттаң 15 майға теере кӧдірілген тимненіс режимі кирілген. Республика правительствозында коронавирус ағырығ профилактиказынҷа паза тарапчатханын тохтадарынҷа оперативнай штаб тӧстелген. Амғы туста Хакасияда пір ле кізі ағырыбысханы ілезіне сығарылған. Карантинде тиксі - 330 кізі, оларның 15-зі имнег туразында, пасхазы ибдең сыхпас оңдайда.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 31 | 1 | 2 | 3 | 4 |
Кӱн таңмазы
Хакасияда
Россияда
Тилекейде