Пос кöңнiнең кiзее полысчатханнарға - алғыстас пiчiктерi
04.12.2020
Хабарлар
Тиксi тилекей синiндегi волонтерлар кӱнiнең алғыстап, Хакасия пазы Валентин Коновалов республикадағы пос кöңнiнең чонға полысчатхан улусха правительствоның алғыстас пiчиин читiрген.
Андағ сыйыхха турысханнар: "Мы вместе" чöрiмнiң координаторы Никита Мальчиков, Хакасияның ӱгредiг паза наука министерствозындағы чииттер кирее пöлиинiң ööн советнигi Наталья Жаркина, Россия синiндегi "Волонтеры-медики" чöрiмнiң Хакасиядағы координаторы Мария Луцик, Хызылчар тимiр чолының Ағбандағы пöлиинiң чииттер чöбi устағӌызы Мария Форналь, "Сбербанк" ПАО-ның чииттер чöбi устағӌызы Дмитрий Кузьмин, Ағбандағы "Поиск пропавших детей" халых пiрiгiзiнiң устағ орынӌызы Андрей Карпенко, ОНФ-тың Хакасиядағы чииттер проекттерi пöлиинiң координаторы Анна Цацорина, региондағы "Центр социального развития Хакасии" халых пiрiгiзiнiң кнезi Ольга Осадчая, чоннар аразындағы "Чистые игры" проекттiң Хакасиядағы кураторы, "Росволонтер" муниципальнай штаб устағӌызы Диана Хабарова, "Волонтеры культуры" халых чöрiмiнiң региондағы координаторы Анна Медведева, Россия синiндегi "Волонтеры Победы" чöрiмнiң Харатас городтағы пöлиинiң öткiн араласчызы Нина Кожевникова.
Хайди тееннер пу чииттер, волонтер- профессия нимес, ол позыңның паза полызығ кирексiпчеткен кiзiлернiң кöңнiн часхарғаны. Аннаңар ол кирекнең аллығ чӱректiглер ле айғас полчалар. Андағларның санынзар iдöк улуғ частығлар кiрчелер. Кöзiдiмге Ағбан городта iкi чыл мының алнында тöстелген "кӱмӱс" волонтерларның "Сова" пiрiгiзiн алып аларға чарир. Аның устағӌызы ӱстӱнде адалған чииттернең хада Валентин Коноваловтың холынаң Хакасия правительствозының алғыстас пiчиин алғанох.
- Пiстiң пiрiгiссер 50 час ас парғаннар кiрчелер. Пӱӱнгi кӱнде араласчылар саны чӱске читче. Ööнiнде ол чиит тустох городтың халых чуртазында öткiн араласхан улус. Олар кiзее полызарға хаӌаннаң ӱгрен парғаннар. Сағамғы тустағы даа оол-хыстарнаң тиңе хаалирға кӱстенчелер, - чоохтап пирген Надежда Федоровна.
Волонтерларны пiди сыйыхтааннаңар сала алғыда "Хакас чирi" газетаның пазағы сығарызында хығырып аларға чарир.
Автор :
Александра Карамчакова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 31 | 1 | 2 | 3 | 4 |
Кӱн таңмазы
Хакасияда
Россияда
Тилекейде