1 ИЮЛЬДАҒЫ ӰН ПИРӀСТЕҢЕР МАРИНА САГАТАЕВА
Хакас национальнай гимназияның устағҷызы – Конституцияҷа ӱн пирісте хайдағ таллағ иткенінеңер
Хайди таныхтапчалар Россияның культура деятельлері, Конституциязар кирілчеткен тӱзедіглер, хайзылары орыс тіліне паза культураа теелчелер, уғаа киректер. Олар культура ис-пайын арачылирға, орыс культуразын паза тілін сабландырарға полысчалар.
Ол нацияларның пос оңдайлығ полғанын хайраллап алҷаң чахсы оңдай. Н.Ф. Катановтың адынаң Хакас национальнай гимназияның директоры Марина Сагатаева ідӧк ізенче:
– Хакас национальнай гимназия – илбек Чиңіснең час. Піске пӱӱл ідӧк 75 чыл толча. Пістің гимназияда предметтерні тирең ӱгренерінең хада ӧӧн пӧгіннер санында хакас чонның тӧреен тілін, национальнай кибір-чозахтарын паза культуразын хайраллиры паза тилідері полча. Мағаа, национальнай гимназияның устағҷызына чіли, прай чоннарның пос оңдайлығ чуртазын арачылирадаңар, Россия чоннарының аймах тіллерін паза культуралығ ис-пайын хайраллирына гарантия пирчеткен Конституциязар тӱзедіг аарлығ полча.