КІЗІ ХАЗИИ - ОЛ САХ ЧУРТАС
10.09.2021
Хабарлар
Хазых. 11 сентябрьда тиксі Россияда Сах чуртас кӱні таныхталча
Кізі, тамкы, іскее, наркотиктерге тартылбин чуртапчатса, спортнаң айғазып, хазых чуртасха тартылча - ол аның олаңай амыр чуртазы. Аны «сах чуртас» алғым сӧснең адап саларға чарир.
Пасха иде чоохтаза, сах чуртас (сах сағыс, сах кӧріс) - ол орта сағын полчатханы, чуртастағы сын киректерні оңарарға, пілерге кӱстенминчеткен хылых-оңдайдаң позып алғаны. Иң пастап пу сӧс уғаа алғым ниме таныхтахаң, кӧзідімге, амыр тудынғаны, амыр полғаны, улуғласха турысханы, тирең сағын полчатханы. Анзын чахсы киречілепчелер «сах кӧріс», «сах чарадығ», «сах сағыс» паза пасха даа сӧс пірігістері. Имнег киреенде, тізең, «сах» сӧс іскее, тамкаа паза пасха даа хомай киректерге тартылбинчатхан кізінің хазиин таныхтапча.
Кізі хазии ол ниме кӧрчеткенінең, исчеткенінең, хайдағ кӧңніліг полчатханынаң палғалыстығ. Кізі чуртазы ӱчӱн позы нандырығлығ поларға кирек. Сах чуртаста кӧп чахсы кирек пар. Кӧзідімге, сах кізінің сағынған сағыстары пар полча, ол пӧгіннер турғысча паза оларны толдырча. Сах кізіні хаҷан даа улуғлапчалар, ол позының сағызын искір полча паза пасхазын піл полар, наа нименең айғазарға паза пасха киректерге тус таапча. Андағ кізілер, сыбыра тиліп, узын кӧдіріп, тусты тузалығ иртірчелер, постары осхас іскее тартылбинчатхан паза хынығ арғыстар таап, нанҷыласчалар.
Сах полып тынанғаны кізее кӱс хосча паза хазиин тыытча. Сах сағыстығ чоох алысчатханы кізіні чахсы кӧңніліг итче. Ачығ суғ іспинчеткен кізі прай нимені позы пӧкче нооза. Аны хомай тудынчатханнарның ӧмезінзер тартып аларға, чабал кирекнең айғастырып аларға сидік.
Сах чуртас - ӱгреністе, тоғыста маңнаныстығ полар чуртастың, ідӧк сӧбіре ырызының, хоных хонып, аны хайраллирының ӧзені. Сах паза пик хазыхтығ кізі позын киненге санабинча, позын чахсы саринаң паалап пілче. Ол чидіглеріне поғдархапча. Ол - позының чуртазының ээзі.
Сах чуртас, итсе-де, кізіні сах андох ор хазых итпинче, че анзы ӧӧн ниме полча, ол чох чахсы чуртас полбинча. Сах чуртас чох хазых пол полбассың. Хаҷан даа сах чӧріңер паза чуртазыңарны аарлаңар, позыңарны хайраллаңар!
Автор :
Республиканың наркология диспансері
Пн | Вт | Ср | Чт | Пт | Сб | Вс |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде