"Культура чечiмезi" чöрiм иртер
10.09.2021
Хабарлар
Пӱӱл 11 сентябрьда тиксi хазнада пастағызын на "Культура чечiмезi" чöрiм иртер. Анда 84 регион араласча. Пу кӱнде культура учреждениелерiнде аймах кöзiдiглер, концерттер, мастер-класстар паза даа пасха чапсых мероприятиелер иртерлер.
Че прай регионнарны чöрiмнiң онлайн- кöзiдии пiрiктiрер: область-регионнарның культура паза искусство деятельлерi Культура.РФ порталда паза "Одноклассники" социальнай сетьте кöнi эфирде Россияның аймах чоннарының саблығ поэттерiнiң кӱскӱдеңер кибелiстерiн хығырарлар.
Пу марафонда iдöк "Читiген" театрның чиит артисттерi аралазарлар. Алина Майнашева, Айсили Майнагашева паза Сергей Чепсараков Хакасияның саблығ поэттерi Валерий Майнашевтiң, Анатолий Кыштымовтың паза Сибдей Томның кибелiстерiн хығырарлар.
Хакасияның культура паза искусство деятельлерi аралазар онлайн-кöзiдiг 15.00-16.00 часта Н.Г.Доможаковтың адынаң национальнай библиотекада иртер. Чоохтирға кирек, "Культура чечiмезi" чöрiм Россия Правительствозы чахиинаң чуртасха кирiлче. Тиксi хазна синiндегi чöрiмнi чыл сай сентябрьның iкiнӌi чечiмезiнде иртiрерi кöрiлче.
Автор :
Ольга Ивандаева, "Читiген" театрның литература пöлиинiң устағӌызы
Пн | Вт | Ср | Чт | Пт | Сб | Вс |
29 | 30 | 31 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 1 | 2 | 3 |
Кӱн таңмазы
Хакасияда
Россияда
Тилекейде