ХАРАА-КӰНӦРТЕ ИМНЕПЧЕЛЕР
10.09.2019
Хабарлар
Имнег кирее. Г.Я.Ремишевскаяның адынаң республиканың имнег туразындағы хан-тамырлар кінінің тоғызын кардиохирург Александр Богачёв-Прокофьев сыныхтаан
Александр БОГАЧЁВ-ПРОКОФЬЕВ паза Елена АБРОСИМОВА
Александр Владимирович Богачёв-Прокофьев Сибирьдегі федеральнай округтың чӱрек паза хан-тамырлар киреенҷе ӧӧн специалист, кардиохирург полча. Ол республиканың хан-тамырлар кінінің тоғызын паалаан. Александр Владимирович Хакасиязар пастағызын на килген. Имнег туразын сыныхтаан соонаң тамырлар кіні тоғызынаңар аның сағыс-кӧрізін піліп аларға чапсых полған.
- Пастағы кӧріснең чахсы саринаң на паалирға чарпр,- чоохтаан Александр Владимирович. - Сибпрьдегі улуғ имнег тураларынаң тиңнестірзе., мында даа наа технологпялығ аппаратура турча. Чӱрек тамырлары ағырығ кізілерні имнеп, чуртастарын ал халар оңдайлар прай пар, тоғыс пӧзік синде апарылча. Мында чахсы спецпалисттер тоғынчалар. Че олох туста пӧзік пілістіг имҷілер чидісппнчеткені пілдірче. Сағынчам, пу сурығ пӧгілер.
Кардиохирург амғы тустағы операциялар эндоваскулярнай оңдайнаң иртірілчеткенін таныхтаан. Анзы халғанҷы тустың чидии полча тиирге кирек. Кізінің идін киспин, операция тамырлар хоостыра иртче. Чӱрек, пас, азах тамырларына операцпяларны орындағы имҷілер пӧзік синде толдырчаттырлар. Мыннаң мындар региондағы хан-тамыр кіні тилиріне ізеніс пар, ол тус чит килгені кӧріндіре тіп таныхтаан Александр Богачёв-Прокофьев.
Хакасиядағы хан-тамырлар кінінің устағҷызы Елена Абросимова апарылчатхан тоғыстаңар искірген:
- Хан-тамырлар кіні республиканың чуртағҷыларын имнир тоғысты апарча, имҷілер операциялар иртірчелер. Піс тынағ кӱннері чох хараа-кӱнӧрте тоғынчабыс. Инфаркт паза инсульт хайдағ даа туста пол парадыр. Суткада пеер 10 азыра кізі дее кір парча. Пiр кӱнде хирургия пӧлиинде 15-че кізее операция итчебіс. Пістің имнег туразында ікі ле тамыр хирургы тоғынча, аннаңар мындағ специалисттер киректелчелер. Хакасияның хазых хайраллачаң министeрствозы имнег туразының администрациязынаң пӱӱнгі кӱнде киректелчеткен имҷілерні кӧстегліг оңдайнаң ӱгредерге чӧптезіг пт салған. Амды ординатурада ӱгренчеткен хирургтар имнег тимненізін иртчелер.
Имнег туразында пӧзік класс аппараттары пар даа полза, хан-тамырлар кінінзер операцияларны тудығ чох иртірер ӱчӱн, хоза тиріг киректелче. Мының алнында алылған эндоваскулярнай аппарат 50 миллион салковайға турған.
Автор :
Елена САГАТАЕВА
Пн | Вт | Ср | Чт | Пт | Сб | Вс |
24 | 25 | 26 | 27 | 28 | 29 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 31 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде