Сергей Соколнаң тоғазығ иртті
24.09.2021
Хабарлар
Киӌее, ӱртӱн айының 23-ӌі кӱнінде, Хакасия пазы Валентин Коновалов Россияның Хазна Думазынзар Хакасиядаң табылған депутат Сергей Соколнаң хада тоғасхан. Устағӌы республика правительствозының паза аның ӱчӱн ӱннерін пирген чуртағӌыларның адынаң депутатты табығларда чиңіс тутханынаң алғыстаан.
Валентин Коновалов Сергей Соколнаң хада пастағы тоғазығда кöдірген сурығлардаңар чоох апарған. Республикадағы пірее сидік сурығларны, федеральнай законнарға алызығлар киріп ле, пöгіп аларға чарир!
Валентин Коноваловтың таниинаң, ööн сидіксіністернің санында öкістерге чурт аларға федеральнай кіннең пирілчеткен ахчаны öскірері, сöп-сапты тöгерінӌе федеральнай законны алыстырары, харатасчыларға налогтардаң регион чардығын паза НДПИ чардығын öскірері, Хакас-Минсуғ ойымындағыларға чарытхы полызиинаң чылығ пиреріне пааларны тӱзірерге, республика сарин алып, бюджеттерні тиңниріне пирілчеткен оңдайларны алыстырарға паза даа пасхазы.
- Сурығлар кöп. Кӱстерні хозып, нинӌе-де закон пастаан иртірібізерге кирек, чон анзын сағыпча, - теен Хакасия пазы.
Валентин Коновалов ідöк Хазна Думазының депутадының паза республиканың Москвадағы тöреміл кізізінің пик палғалызы киректелчеткенін таныхтаан.
Сергей Сокол республиканың паза аның чуртағӌыларының чахсы чуртазы ӱчӱн тоғынарға тимдезін искірген, ол санда федеральнай законнарға алызығ киріп.
- Табығ кампаниязы тузында мин республикаӌа кöп чöргем, сидіксіністер сынында кöп. Правительствонаң, Хазна Думазынаң, федеральнай органнарнаң пір тіл алызып, пöкчең оңдайлар табылар, - теен депутат.
Автор :
Хакасия пазының паза правительствозының пресс-службазы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде