ХЫРИНДАҒЫ ААЛЫҶАХТА ЧУРТАС ХАЙДАҒ НИ?
29.07.2022
Хабарлар
сидіксіністерні искіргеннер. Че олар сомға суурынарға хынмааннар.
- Пабам сӧп-сап тӧктірчеткен
ӱчӱн тӧреміл тӧлепче. Че ноға-да ӧнетін турғызылған бактарны тузында тӧкпинче-лер. Ӱӱлчеткен сӧп-сап неде-ляларнаң турча. Паза ӱр ни-месте пістің орамадағы чолны иптееннер. Че тоғыс уғаа хомай толдырыл парған тиир-ге кирек, - теен Станислав Вя-чеславович.
Ким суғ хазында чурттығ иреннерні ідӧк илбек суғ соол-чатханы тың сағыссыратча. Чоохтирға кирек, чир-чайаан-ның андағ хылынызы піҷі пилтіріндегілерні ле нимес, тиксі Сибирьні чочыт сыхты...
Пӱӱнгі кӱнде аалдағылар мал-хус ла тудып чуртапча-лар. Чайғы читсе, оларға от пилетепчелер. Піҷі пилтірін-де андағох кирек полчатпас па. Орамаларның пірсінде-гі пір тураның тастында аал хонии техниказының аймағы турчатхан. Анда трактор сапхызын иптеп парчатхан ир кізілерзер пастырдыбыс. Изеннезіп, чоох пастабысха-быс. Олар уламох уйатчыл полтырлар. Сомға суурынар-даң, ады-солаларын даа чоох-тирға хынмааннар. Че «От чахсы сыхты ба?» суриибысха нандыр пиргеннер:
- Хайдаң! Чазыларда от ӧспеен, прай хуруп парған. Че чайғы тоозылғанча от ӧс парар тіп ізеніс парох.
Анаң иреннер оградазар кіре халғаннар. Пірсі хонңых кізі полтыр. Анзы, мотоциклі-не одырыбызып, ибінзер ой-ладыбысхан.
ТОҒЫЗЫ СИДІК ПІЛДІРБИНЧЕ
Піңі пилтірі аалзар кірзӧк, кізі хараана наа фельдшер-акушер пункты тасталча. Ча-рых паза ӧңніг хырлығ тура-зар чол тутхам. Фельдшер Клавдия Владимировна пісті килерін сағыбаан, че, имңізер кірңең кізі чох полып, аннаң чоохтазар оңдай полған. Аал чуртазынаңар паза андағы чуртағңылардаңар имңідең артых кем пілер? Полған на кізі имңізер айланча, аннаңар имңі аалда прайзын чахсы та-ныпча.
Клавдия Зайцева, имңілер чидіспинчеткеннеңер, Мос-ковскай, Халсарығ паза Піңі пилтірі ааллардағы ФАП-тар-да тоғынча. Амды Піңі пазы аалдағы имңі отпускка па-рыбысханда, ол тӧрт аалның имнег туразында істенче.
- Полған на аалда минің приём апарчаң тус кӧріл пар-ған, полған на имнег учрежде-ниезінде тузында полар ӱчӱн, табырах имнег полызиин пирчең транспорттың води-тельі мині тарт чӧрче. Мос-ковскайдағы амбулаторийде 7.30 часта тоғынарға пастап-чам. Хысхызын 7.00 часха читкелекке тоғынарға пас-
тапчабыс. Ӱгредіг тузында олғаннарны автобуснаң тарт чӧрчелер. Иртен водительлер-ге чорыхха сығар алнында имчідең чарадығ алып аларға киректелче. Прай пис води-тель сыныхтағ иртче, - чарыт-хан Клавдия Зайцева.
Полған на аалда имңі гра-фик хоостыра тоғынча. Иирде пис часта тоғызы тоозылза, пічіктернең айғасча. Хайда пі-чіктернең, хайда компьютер-нең тоғынча.
- Аалдағы фельдшерлер-нің тоғызы оой нимес. Піс 16.00 алай 17.00 часха теере тоғынчабыс, че піреезіне аал-да хомай полыбысса, хығыр-тыбысчалар. Фельдшер ол кі-зізер хайди даа парарға кирек, аннаңар хараазын даа имнег полызиин пирерге киліс парча. Городтарда имчі кинетін ки-ректел парза, травмпункт-сар айланарға алай табырах имнег полызиин хығыртыбы-зарға чарир. Ағаа хоза, 2017 чылда Московскайдағы амбу-латорийде кӱнӧрте чатчаң орыннар хызырылған соонаң пір водительнің ставказы чох пол парған. Амды пір ле води-тель тоғынча, пис часта аның тоғынчатхан тузы тоозылча, аннаңар хығыртығларға чазағ чӧрерге киліс пар ча. Анзынаң аалдағы фельдшернің тоғы-зы сидік. Ідӧк піске хараа-кӱ-нӧрте телефонға нандырарға тимде поларға кирек. Пірее-
де телефоннаң на чӧп пирібісчем. Мағаа то-ғызым сидік пілдір-бинче, чуртағчылар-ға тузалығ полары чӱ-рееме чатча. Хазиим не читсін, тоғызым-наң парбаспын. Мин, тозынмин, ибде одыр полбаспын. Кӱннің сай, ибде одырчадып, нименең айғазарға? Ирістіг полар, - чоох-таан Клавдия Влади-мировна.
Клавдия Владими-ровнадаң Піңі пилті-ріндегі чуртағңылар-даңар чоохтап пирерге сурынғам.
- Аалда халғанчы-
зын пічікке алылған хоостыра 99 кізі чуртапча, ол санда 17 пала. Ӧӧнінде аалда тынаға сых парған улуғ частығ улус паза тоғынчатзаннар. Чур-тағчылар, пос хониин тилідіп, ӱӱчік тамаан салчалар, - ча-рытхан фельдшер.
ФАП-сар хайдағ сылтағ-наң паза кӱнде нинңе кізі ай-ланча тіп сурғам.
- Ӧӧнінде улуғ частығлар нооза, аннаңар тӧреміл ағы-рығларнаң ағырчалар. Хан кӧдірілізі, азах тамырлары сісчеткеннең сӧӧк-саах сыс-тасчатханнаң айланчалар. Олар, аймахтағы имнег тура-зының специалисттерінең им-ненер оңдайларны алып, мин-зер имненерге чӧрчелер. Пір кӱнде пірееде Пічі пилтірін-де ле капельницаа, уколларға 10-ар кізі килче. Аалда ыңаа-чахтар чоғыл, ӧӧнінде школаа чӧрчеткен палалар, - чарыт-хан имңі.
Клавдия Владимировна, позы Піңі пилтірі аалда чур-тааннаңар, андағыларны туғаннары чіли санапча. Чииттең сығара прайзын та-ныпча, чахсы пілізіп чуртап-чатханнарынаңар искірген. Піңі пилтірінде амыр хылых-тығ паза ынағ чон чуртапча теен.
Наа ФАП-та тоғыс хайди парчатханнаңар сурғам Клав-дия Владимировнадаң.
- Мында наа фельдшер-акушер пунктын пӱдір пир-гені чахсы. Хачан-да кізілер-ні школада сыныхтачаңмын, анаң школаны сайабысхан-нарында, ФАП-ха клуб істінде ка бинет пиргеннер. Пілдістіг, ідикӧс чӧрчеткенде, тоғынчаң оңдайлар чахсы ла полбаан. Амды улуғ паза чарых тура. Процедуралар иртірчең, при-вивкалар турғысчаң алынча
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде