АС-ТАМАХТЫҢ АЙМАА САДЫЛҒАН
11.10.2017
Хабарлар
Михаил Кужаков (оң саринда) хузух паза яблах сатча.
Чыл сай 8 октябрьда пістің хазнада Аал хонии тоғынҷызы паза ас-тамах сығарҷаң промышленность кӱні таныхталча. Пу ӱлӱкӱнге чарыдылып, Ағбандағы аал хонии рыногында 7 октябрьда ярмарка ирткен.
Ярмарка «Бабье лето» ансамбль концертінең пасталған. Концертті апарчатханнар кӧрігҷілерге ойыннар паза тикке лотерея иртіргеннер.
Кӱскӱде ярмарка чир тамаана паза тайға ӧзімнеріне пай полча. Чир тамаан ӧскірчеткеннер час чир тамаан, ідӧк хысхызына тимнелген салаттар сатханнар. Оларның санында - Харатас чуртағҷызы Любовь Долгова. Тынағдағы ууҷа чир тамааан кӧп ӧскірче паза мискелер теерче. Чир тамаанаң хысхызына аймах салаттар тимнеп, анаң оларны апрель айға теере рынокта, аал хонии ярмаркаларында сатча. Кӱскӱде Любовь Долгова Марина хызынаң хада хазың, харағай мискелерін, тееріп, тузапча.
- Мискені Ермаковскийде теерчебіс. Пӱӱл ол чахсы сыххан, кӧп тустап алғабыс. Чон хазың паза харағай мискезін чахсы алча. Піс ідӧк ах мискелер теерчебіс. Че ол Кидеркі Россияда иң чахсы мискелернің санында полза даа, орындағы чон аны ноғада хомай алча. Ах мискені Семигорскта теерчебіс, - сағыстарынаң ӱлесче Любовь Долгова.
Ағбандағы аал хонии рыногында ууҷа ікінҷі чылы садығнаң айғасча. Алында ол Харатаста сатчаң. Любовь Долгова полған на аал хонии ярмарказында аралазарға кӱстенче. Рынокта, тізең, неделяда ікі-ӱс кӱн сатча. Аның таниинаң, ярмаркаларға чон ӧӧнінде ит садызарға чӧрче, аннаңар Любовь Долгованың ас-тамаа олаңай кӱнде алай ярмаркада садылчатханынаң тың на пасхалалбинча. Таныхтирға кирек, тустаан миске ниикке турбинча. Кӧзідімге, 200 грамм тустаан хазың паза харағай мискелері - 180 салковай.
Чир тамаан ӧскірчеткеннер ярмаркаа яблах, капуста, помидор, перец, морковь, муксун паза пасха даа чир тамаан ағылтырлар. Пір килограмм капуста паза яблах 15 салковайға турған, морковь - 20 салковайға, помидор - 150 - 200 салковайға, тадылығ перец - 70 - 80 салковайға, арбуз - 20 - 25 салковайға.
Казахстаннаң ағылған 1 килограмм арбуз 20 салковайға садылған. Оренбургтағы арбуз, тізең, 25 салковайға.
Кӧбізі яблахты кӧнектең сатхан. Оларның санында Асхыс аймаандағы Кызлас аал чуртағҷызы Михаил Кужаков. Яблахтаң пасха ол ідӧк хузух пасхалалбинча. Таныхтирға кирек, тустаан миске ниикке турбинча. Кӧзідімге, 200 грамм тустаан хазың паза харағай мискелері - 180 салковай.
Чир тамаан ӧскірчеткеннер ярмар-каа яблах, капуста, помидор, перец, морковь, муксун паза пасха даа чир тамаан ағылтырлар. Пір килограмм капуста паза яблах 15 салковайға турған, морковь - 20 салковайға, помидор - 150 сатхан. Аның чооғынаң, пӱӱл Кызласта яблах чахсы сыххан, че хузух Ис паза Тӧӧ тайғаларында пір дее сыхпаан. Ирен ипчізі Галина Михайловнанаң паза Максим оолғынаң ярмаркада сыбыра араласчалар, яблах, ит паза хузух сатчалар. Сӧбіре чир тамаан ӧскірче, хой-лар, інектер паза аттар тутча. Ағаа хоза, Галина Михайловна пос киреенең айғасча, Кызласта садығ туразын тутча, хайзында Михаил Кужаков шофёр паза грузчик полып істенче.
- Кӱскӱде кізілер яблахты кӧп алчалар. Піреезі пістің яблахты алған соонда хатап садысча. Аны татхыннығ тіп, - теен Михаил Кужаков.
Аал хонии рыногы азылғанда, Кужаковтар рынок істінде сатчаңнар. Садығҷының чооғынаң, амғы туста рынок істінде пос орын чоғыл, прай орыннарны садызып алғаннар, аннаңар рынок алнында садығнаң айғазарға килісче. Че ол анзына хомзынминча, яблахты хайда даа сатса, садығ чахсы парча. Ит тее чахсы садыл парча.
Мал-хус тутчатханнар ярмаркаа сосха, мал, хой, таңах, индейка, ӧртек иттерін ағылтырлар. Пір килограмм сосха иді 220 - 260 салковайға садылған, мал иді - 200 - 270 салковайға, хой иді - 250 салковайға, ӧртек иді - 350 салковайға, таңах иді - 300 салковайға, индейка иді - 400 салковайға.
- Ярмаркадағы паалар садығ туразындағызынаң ниик пілдірче. Мында ас-тамахтың аймаа садылча. Ит садызып алдым, амды пірее чапсых ас-тамах кӧрглепчем. Алай ыстаан палых алып алҷаң ма тіп сағынчам, - сағыстарынаң ӱлескен Ағбан чуртағҷызы Пётр Аршанов.
Ярмарка аал хониинаң айғасчатханнарға чахсы парыстанып алар оңдай пирді, город чуртағҷыларына, тізең, ниик паанаң аймах-пасха ас-тамах садызарға.
Автор :
Оксана ЧЕЛТЫГМАШЕВА
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде