ХАРА ТАС ТУДЫҒ ЧОХ ТАРТЫЛЗЫН
19.01.2018
Хабарлар
Хакасияның пазы Виктор Зимин, Москвада полып, федеральнай министерстволарның кізілерінең паза бизнес-партнерларнаң тоғысчы тоғазығлар иртірген. Прай чӧптезіглернің ӧӧн кӧстее республиканың промышленность кӱзін тилідері паза тузалығ инвестиция проекттерін чуртасха кирері полча.
Кӧзідімге, ситкіп ӱзӱрілген Транссибирскай магистральның ӱстӱнзархы сариның паза Пиидегі хара тас аныҷаң орынның хырығларындағы тимір чолларның транспорт инфраструктуразын тилідері. Ол орын Россиядағы пӧзік качестволығ хара тасха иң пай чирлернің пірсіне саналған. Хара тастығ чирде Пиидегі хара тас кластері тӧстелген, хайда хара тас анир тоғыснаң нинҷе-де улуғ разрез айғасча. Хакасияда хара тас анирының чылдағы ӧзізі амох миллионнар тоннанаң саналча. Аннаңар хазна полызиинаң тимір чолларның таарлағлар тартчаң оңдайын алғыдары республикаа уғаа кирек. Анзы пістің продукцияны іскеркі саринзар тудығ чох тартарға оңдай пирер.
- Транспорт инфраструктуразын тилідерінҷе тоғыс планҷа паза ӧӧн бизнес-партнерларнаң, федеральнай структураларнаң тӧреміл чӧптескені хоостыра апарылча. Проектті чуртасха кирерін ӱр ниместе ӱзӱргені хати кӧзіткен - піс орта чолҷа парчабыс. Хакасияда хара тас промышленнозы ӧткін тиліпчеткен оңдайларда транспорт инфраструктуразын чахсыландырары ӧӧн пӧгіннернің пірсі полча, - сағыс-кӧрізінең ӱлескен Виктор Зимин.
Хакасияның пазы Виктор Зимин пу неделя пасталғанынаң сығара тоғыс хоостыра Москвада. Республика устағҷызы хазнаның ӧӧн городында изерістіре тоғысчы тоғазығлар паза чӧптезіглер апарған.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде