«ӦӦРКІ ЧӦПТЕҢЕР» ЗАКОНЗАР АЛЫЗЫҒЛАР КИРІЛЕР
18.01.2019
Хабарлар
Президиум чыылии тузында
Ӧӧркі Чӧп. Хакасияның Оӧркі Чӧп кнезі Владимир Штыгашев президиум чыылиин иртірген. Оӧн сурығлар парламенттің істіндегі тоғызына теелгеннер. Оларның пірсі - Оӧркі Чӧп кнезін тоғызынаң азынада суурарына сылтағларны чарадардаңар
Конституционнай законодательство комитеттің кнезі Светлана Могилина, «Хакас Республиканың Оӧркі Чӧбінеңер» алызығлар кирчеткен закон проектінең таныстырып, республиканың Конституциязынҷа депутаттарға, чазыт оңдайнаң ӱн пиріп, Оӧркі Чӧп кнезін тоғызынаң азынада суурыбызарға чарир полчатханын таныхтаан. Че олох туста пістің законда хайдағ сылтағларға тӧстене аны суурарға чарир полчатханы кӧзіділбеен. Анзы, тізең, Конституционнай чарғы алған чарадыға килістіре нимес. Россияның Конституционнай чарғызы 2000 чылда алған чарадығҷа пастап сылтағлар паза суурҷаң оңдай (процедура) алыл парарға кирек, андада ла устағҷының полномочиелерін азынада тохтадарға чарир. Аннаңар, право саринаң читпестерні тӱзедер пӧгіннең, республика законынзар алызығлар кирілче.
- Ол алызығларҷа Оӧркі Чӧптің кнезін тоғызынаң азынада суурарына ікі сылтағ кӧрілче, - чарытхан Светлана Могилина. - Пастағызы - Россия Федерациязының законодательствозын алай Хакас Республика законодательствозын сайбааны, андағ ниме иділгенін алай иділбеенін чарғы ілезіне сығарза. Ікінҷізі - постың обязанностьтарын пір ле хати нимес паза киректіг сылтағ чох толдырбааны, ідӧк чарғы пастыра.
Оӧркі Чӧптің регламентінзер алызығлар ідӧк істіндегі тоғысты право саринаң тӱптестірер пӧгіннең кирілчелер тіп чарытхан регламентче комиссияның кнезі Татьяна Янусик, теестегі сурығнаң таныстырып. Чоох парча Оӧркі Чӧп кнезін, пастағы орынҷызын, орынҷыларын паза комитеттернің (комиссияларның) устағҷыларын тоғызынаң азынада суурарына право саринаң сылтағлар паза суурҷаң оңдайны турғызардаңар. Амғы регламентте ол ниме ідӧк чарыдылбиндыр.
- Адалған устағҷыларны тоғызынаң азынада суурарына пір тӧӧй сылтағлар паза оңдай турғыс саларға чӧп кирілче, - таныхтаан Татьяна Янусик. - Аннаң пасха, тоғызынаң суурардаңар чарадығ алылбин парған полза, андағох пастағнаң пір чыл пазынаң на сығарға чарир полчатханын чарат саларға чӧппар.
Чоохтирға кирек, адалған устағҷыларны тоғызынаң азынада суурарына пастағнаң Оӧркі Чӧптің пір ӱстіг чардығынаң ас нимес депутаттар ӧмезі сығарға кирек. Ӱн пиріс чазыт оңдайнаң иртче, Оӧркі Чӧптің ікі ӱстіг чардығынаң ас нимес депутады ӱнін пирзе ле, чарадығ алылча.
Пу сурығлар чағынғы сессияда депутаттар ӱзӱриине сығарылар. Сессияны, тізең, Оӧркі Чӧп президиумы 30 январьда иртірерге чарат салған.
Автор :
Альберт ТОЛМАШОВ
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде