КРЫМДА - 30 МУҢ ЧАА ВЕТЕРАНЫ
30.04.2019
Хабарлар
КРЫМ. Регион пазы Сергей Аксёнов республиканың істеніс паза социальнай арачыланыс министрі Елена Романовскаянаң тоғасхан. Анда Илбек Ада чаа ветераннарына ахчалығ полызығны ӧскірердеңер сурығ ӱзӱрілген.
Министрнің искіриинең, амғы туста Крымда Илбек Ада чааның 30 муң ветераны чуртапча. Оларның 2,7 муңы - чаа араласчызы. Чаа ветераннарына Крымны фашисттердең позытхан кӱнге паза 9 Майға ахчалығ полызығ пирілче.
I группа чаа кинектеріне ахчалығ полызығ 15 муң салковайға, чаа араласчыларына 7 муң салковайға, чаада чат халғаннарның сӧбірелеріне, концлагерьлерде полғаннарға 5 муң салковайға чит парардаңар искірген министр. Ідӧк чаа ветераннарының чурттарын тыхтирына амды 5 чыл пазынаң 200 муң салковай пиріл турар.
Автор :
Крым правительствозының официальнай порталы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде