ТУРИЗМ КИРЕЕН, ТИЛІДІП, ЧУРТАСХА ӦТКІН КИРЕРГЕ
04.10.2019
Хабарлар
Форум. Хакасияда «Кимдегі Сибирь» регионнар аразыңдағы I турист форумы 2-3 октябрьда ирткен. Республиканың музей-культура кінінде туризмнең айғасчатханнар чыылысханнар
2 октябрьда Хакасияның музей-культура кінінде улуғ хайы-ныс пасталыбысхан. «Кимдегі Сибирь» форумда пістің республикадаң пасха Хызылчар крайынаң паза Тува
Республикадаң делегациялар аралас-ханнар. Ідӧк туризмнең айғасчатхан идінңектер, муниципальнай пӱдістер-нің кізілері, инвесторлар, эксперттер, ӱгредіг организациялары, туризм ки-реен тилітчеткен специалисттер пол-ғаннар.
«Кимдегі Сибирь» форум пайрам-ни азылған. В.Г.Чаптыковтың адынаң
Хакас филармониязының «Кӱн сузы» теелбектер ӧмезі, ойыннар турғызып, килген чонны ирбеннең аластап, ал-ғастар читірген. Чыылған чонға ту-ризмңе Хакасия нимее пай полчатха-
нын искіргеннер: чир-чайаанға, археология хумартхыларына, хайхас-тығ орыннарға... Пістің республика пасха регионнарның аразында чахсы чирде орныхча. Чорыхчылар истіг чӧ-рер чоллар парох, че читкіңе нимес. Форумда чоллар паза пасха сурығлар ӱзӱрілгеннер. Ӧӧн сурығ - пӱӱнгі кӱн-дегі туризмні, тилідіп, чуртасха кирері.
- Пӱӱн піс республикада туризм тилізіне алынңа хайығ салчабыс, -чооғында таныхтаан Хакасияның пазы Валентин Коновалов. - Амғы форум туризм киреен тилідерінңе аймах чӧптезіглер и дер чахсы оңдайпир-че. Ідӧк пу форум аның араласчы-ларын піріктірер, палғалыстарны тыыдар, наа технологияларнаң танызар ӱчӱн иртірілче. Аннаңар пірге хабарлар кінін тӧстирге ки-ректелче.
Хакасияның правительство-зы, хонңых регионнарнаң хада туризмні тилідер ӱчӱн, «Илбек Сойан-Алтай хурчаа» улуғ проект тимнеп салған. Регионнар аразын-дағы туризмңе пірге чолны азар тоғысты чуртасха кирерге кирек. Амды «Кимдегі Сибирь» килкім инвестиция проектінең ахча алып алар оңдай пар. Прай пу проект-тер пістің регионнарзар килчеткен туристтер санын хозар ӱчӱн чур-тасха кирілчелер.
Хакасияның культура мини-стрі Леонид Ерёмин «Илбек Сой-ан-Алтай хурчаа» проекттеңер искірген. Аның турист чолы 2300 километр полар. Андар Хакасия, Тува, Алтай республикалар, Хы-зылчар паза Алтай крайлары, Кеме-ров облазы кірчелер. Пу проектті чуртасха кирерінде 10 муң кізі аралазар. Пілдістіг, мындағ улуғ проектке ахча миллиардтарнаң киректелче.
«Кимдегі Сибирь» корпорацияның тилісче директоры Алексей Николаев пӱӱнгі кӱнде туризм проекттерінің саны хозылчатханнаңар искірген.
Амғы форум, республикадағы турист чолларын ілезіне сығарып, аннаң ан-дар тоғысты апарарына чахсы чӧлег паза туризм тоғызын чуртасха кирер пастағы хаалағ полчатханын таных-таан ол.
Пу кӱннерде Хызылчарда корпо-рацияның дирекциязы «Сбербанк» ПАО-наң инвестиция ахчазы хоостыра чӧптезігде хол салғаннар. Пу даа форумда Хакасияның пазы Валентин Коновалов «Сбербанк» ПАО-ның Ағ-бандағы 8602 № пӧлиинің устағңызы Денис Лепчуговнаң чӧптезігде хол салғаннар.
Форум тузында сувенирлер кӧзі-діг-садии парған. Киистең, тойдаң, теердең, истең паза нинңідең тимнел-ген ойнаңахтар харах ойнатханнар. Ідӧк Хакасияда ӧсчеткен им оттар-даң чейлер садии парған. Пістің рес-публиканың, Хызылчар крайының, Туваның туризмңе хабарлар кіннері тоғынғаннар. Полған на кін турист-терге чапсых чирлердеңер буклеттер паза чол карталарын тимнеп салтыр. Тиксі кӧрзе, пу регионнарны Ким суғ, Сойан тағлары піріктірчелер.
Халғанңы 10 чыл аразына аалңы-ларны удурлирын, туризмні паза чир-чайаанда тынағ киреен чахсылан-дырып, пӱӱнгі кӱнге килістіре идерге киректелер. Сананыстар хоостыра, Хакасияда ла пір чыл аразына 1 миллион 200-че кізі тынанып алар оңдай-лығ.
Елена С АГАТАЕБА
Хакасия пазы Валентин Коновалов (ортызында), культура министрі Леонид ЕРЁМИН паза финанстар министрі Ирина ВОйНОВА
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде