Арығ сурығларынӌа чыылығ ирткен
10.02.2021
Хабарлар
Хакасия правительствозында арығ паза экология сурығларынӌа чыылығ ирткен. Аны Хакасия правительство пазы Валентин Коновалов апарған. Анда iдöк 2020 чылда ағас хониинда хайдағ тоғыс апарылғаны хоостыра сан пирiс идiлген.
- Арығ кирее Россия синiнде ағырсымнығ сурығ полча. Пiс арығ ӱредiлчеткенiн, экология сайбалчатханын прайзыбыс пiлчебiс. "Арығ мафиязы" узубинча, законнарны сайбапча.
Хомзынысха, Хакасияда арығ пос кирее чахсы тилiбеен. 2020 чылда прокуратуразар 92 сайбағӌылардаңар айланыс кiрген. Iлезiнде, 794 сайбағ сығысхан. Че сыбыра сыныхтағлар иртiрерге киректелче.
Законны хыйыстыра ағастар узурылчатханы чох поларға кирек. Мындағ арығларда öрттер пол парарынаң чочыныстығ. Чон ағастарны одыртар ӱчӱн, хорбаларны читiрерге кирек, - чоох тутхан Валентин Коновалов.
2020 чылда арығ хониинда хайдағ тоғыс апарылғаннаңар Хакасияның чир-чайаан паза экология министрiнiң пастағы орынҷызы Сергей Глушков сан пирiс иткен: "Чыл салтарлары хоостыра 390 муң кубометр ағас тимнелген. Пiс чонға ӱлӱс хоостыра пирiлчеткен ағасты читiргебiс. Аукцион салтарларынӌа 41,9 муң кубометр пирiлген.
Хазна бюджедiнзер 260 миллион салковай кiрген полза, республика бюджедiнзер 26,7 миллион хозылған. Öрттер полбас ӱчӱн, сыныхтағлар апарылғаннар. Ирткен чылда ӱреннер öскiрер тоғыс прай идiлген. Пӱӱл "Экология" национальнай проектче 117 миллион ахчаа техника алылар.
Автор :
Елена Сагатаева
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде