ИҢ СИРГЕК ХЫҒЫРЫҒҶЫНЫ ТІЛЕПЧЕБІС
31.01.2020
Хабарлар
Марығ. Пістің газета хығырығӌылар аразында наа марығ чарлапча - «Иң сиргек хығырығӌы»
2020 чылда, азығ айынаң пасти, ай сай «Хабар» газета иң сиргек хығырығӌыны табар. Аның ӱчӱн ирткен айда сыххан искіріглер паза материаллар пастыра хығырығӌыларға пис сурығ пиріл турар. Газета сурығларға нандырығ чыыпчатхан кӱнні азынада искірер. Иң пурун прай сурығларға орта нандырығ пирген хығырығӌы «Иң сиргек хығырығӌы» атха паза сыйыхха турызар. Орта сизіндіңер, марығның полған на айында пір ле чиңісчі полар! Кӧзідімге, азығ айында сыххан газета материаллары хоостыра сурығлар кӧрік айында пирілер, сурығларнаң хадох нандырығлар алылар кӱн искірілер. Ол кӱн марығ сурығларына иң пурун орта нандырығ пирген хығырығӌы чиңісчі тіп чарлалар.
Чоохтирға кирек, газетабыс тиксі республика хығырығӌыларының холына аймах тус пазынаң читче: ағбандағылар аны сыхханох кӱнде алчатсалар, ыраххы ааллар чуртағӌыларынзар ӱс сығарыс неделя тоозылчатса ла читче! Аны санға алып, сурығлар пір айның номерлері прай хығырығӌыларзар читкен туста пиріл турар.
Сыйыхтар чыындызы спонсорлар полызиинаң тӧстелер, аннаңар хайдағ айда чиңісчее хайдағ сыйых читірілерін азынада піліп аларға сидік полар.
Азығ айында сыххан полған на газетаны, толдыразынаң хығырып, тастирға маңзырабаңар! Кем пілче, арса, марығның пірее суриина нандырығ анда табыл парар? Че кем тимде «Иң сиргек хығырығӌы» полыбызарға?
Автор :
«Хабар» газетаның редакциязы
Пн | Вт | Ср | Чт | Пт | Сб | Вс |
27 | 28 | 29 | 30 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде