ХАРАТАСТАҒЫ КРЕМАТОРИЙ КӦЗІРІЛЕР
16.06.2023
Хабарлар
Чыылығ. Халғанҷы туста Хакасия пазы Валентин Коноваловха Харатас город чуртағҷылары аңнарға крематорий саринаң чабал чыс сабылчатханына хоптанчалар
Хандых айының 11-ҷі кӱнінде регион пазы пу сурығ хоостыра Харатас чуртағҷыларынаң тоғасхан. Тоғазығда Харатас город устағ-пастааның кізілері полғаннар. Олар пу сидіксіністі пӧгерінде ниме итчеткеннерінеңер чоохтааннар.
Хакасия пазы Харатас устағ-пастаана, профильліг министерствоға предприятие ээзінең хада крематорийні чуртағҷыларға хорғыс ағылбас орынзар кӧзірерінҷе планны тимнебізерге, пу сидіксініснең палғалыстығ логистика паза юрист сурығларын неделя тоозылғанҷа пӧгібізерге чахығ пирген.
Хандых айының 13-ҷі кӱнінде ол крематорийнің тоғызына чарыдылған чыылығ иртірілген. Регион пазы прокуратура, Роспотребнадзор, Россияның чир-чайаан сыныхтаа, Россияның аал хонии сыныхтаа устаныстарының кізілерін, Харатас город пазын, республика правительствозының профильліг министерстволар устағҷыларын паза «РОСИ» ООО-ның тӧстегҷізі Максим Давыдкинні пір стол кистінде чыып алған.
Неделя тооза сыныхтағ органнары аңнарға крематорий тоғызын право паза техническай нандырығларға тудынчатханына сыныхтапчалар. Предприятие орныхчатхан чир пу кӧрімніг кирекке паза аның кӱзі проекттегізіне киліспинчеткеніне чігленіс пар.
– Пӱӱнгі кӱннең сығара республиканың прокуратуразы чахиинҷа Харатастың прокуратуразы сыныхтағ иртірер. Пірігіс тее, орындағы пос устаныс органнарының полномочиелері дее сыныхталар, олар пу чир участогында мындағ предприятиее тоғынарға чаратханнар. Сайбағлар ілезіне сығысса, прокуратура чарадығлар алар. Предприятие тоғызын хомайландырғанына ӧртелчеткен ниме сині нинҷее асчатханына хайди даа паалағ пирербіс, – искірген Хакасия прокурорының пастағы орынҷызы Андрей Мошков.
Харатастағы «РОСИ» ООО-ның крематорийінең палғалыстығ кирек Хакасия пазы Валентин Коноваловтың хайиинда.
Сом Хакасия пазы пресс-службазыни
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
26 | 27 | 28 | 29 | 30 | 31 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде